Вы тут

Чэмпіянат па фотабёрдынгу пройдзе ў Беларусi 26 студзеня


Адкрыты зімовы чэмпіянат па фотабёрдынгу пройдзе ў Беларусі 26 студзеня, паведамляе БЕЛТА са спасылкай на грамадскую арганізацыю "Ахова птушак Бацькаўшчыны" (АПБ).


Фота ptushki.org

У адрозненне ад звычайнага бёрдвотчара, які назірае за птушкамі ў бінокль, задача фотабёрдара - сфатаграфаваць птушак у натуральных умовах. Каб выйграць чэмпіянат, трэба за пяць гадзін (з 10.00 да 15.00) сфатаграфаваць як мага больш розных відаў птушак. За кожны від удзельнік атрымлівае балы. Разабрацца, якую птушку злавілі ў кадр, дапамогуць анлайн-вызначальнік або мабільны дадатак. Па выніках будуць вызначаны пераможцы і прызёры, асобна будзе абраны лепшы здымак. Як і на папярэдніх спаборніцтвах, журы можа ўвесці дадатковыя намінацыі і адзначыць яшчэ некалькі цікавых фота ці ўдзельнікаў. Лепшыя фотабёрдары атрымаюць прызы.

Удзельнічаць у спаборніцтвах можна ў любым пункце Беларусі. "Наш досвед паказаў, што фармат чэмпіянату, пры якім мы не збіраем удзельнікаў у адным месцы, найбольш папулярны. Год таму было 100 удзельнікаў. Вельмі спадзяемся, што і цяпер спаборніцтвы для многіх будуць цікавымі. Фатографы самі змогуць выбраць маршрут і тактыку. Дазваляецца выкарыстанне аўтамабіляў. Менавіта добра падабраны маршрут будзе вырашальным у спрэчцы за прызавыя месцы ", - сказаў каардынатар чэмпіянату Сямён Левы.

Удзельнічаць можна як індывідуальна, так і ў камандзе з двух чалавек. Для гэтага трэба запоўніць заяўку, запампаваўшы яе з сайта АПБ, і адправіць па адрасе levy@ptushki.org. Заяўкі прымаюцца да 17.00 24 студзеня. Чэмпіянат адкрыты і для ўдзельнікаў з іншых краін.

Зімовы чэмпіянат па фотабёрдынгу адбудзецца ў другі раз. Падчас першага ўсе ўдзельнікі сфатаграфавалі за пяць гадзін 86 відаў птушак.

Выбар рэдакцыі

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п