У Расіі намякаюць на далучэнне Беларусі ў абмен на адзіныя кошты на энерганосьбіты - Прэзідэнт

У кіраўніцтве Расіі намякаюць на далучэнне Беларусі ў абмен на адзіныя кошты на энерганосьбіты. Аб гэтым Прэзідэнт Беларусі Аляксандр Лукашэнка заявіў сёння на сустрэчы з калектывам Светлагорскага ЦКК, перадае БелТА.

Пры гэтым, перакананы кіраўнік дзяржавы, ні беларускі, ні расійскі народы ніколі не захочуць пайсці па гэтым шляху.

Размаўляючы з працоўным калектывам Светлагорскага ЦКК, Кіраўнік дзяржавы шчыра распавёў пра некаторыя праблемныя пытанні беларуска-расійскай інтэграцыі, піша sb.by. У прыватнасці, Аляксандр Лукашэнка адзначыў, што ён быў ініцыятарам гэтай інтэграцыі і застаецца яе прыхільнікам. Але інтэграцыя павінна праходзіць на раўнапраўных пачатках.

"Паглынанне Беларусі Расіяй - гэта не інтэграцыя. Гэта інкарпарацыя. Я на гэта ніколі не пайду", - заявіў Аляксандр Лукашэнка.