Вы тут

У Калінкавічах адкрыўся дзіцячы дом сямейнага тыпу


Вялікая сям'я Васіля і Вольгі Варабей з Калінкавічаў атрымала ключы ад новай маёмасці. Наваселле справілі ў дзіцячым доме сямейнага тыпу. Разам з трыма роднымі — Валянцінам, Дар'яй і Уладзімірам тут будуць жыць і трое прыёмных дзецей: Максім, Дзіяна і Ірына Гарнастаевы. Дзякуючы бацькам-выхавальнікам, усе сталі блізкімі і роднымі.


Шматдзетныя бацькі — Васіль і Вольга Варабей, якія ў шлюбе каля 10 гадоў, кажуць, што ўсё робяць разам. Гэтаму ж вучаць і сваіх дзяцей. У сям'і любяць працаваць на зямлі. Вольга з задавальненнем займаецца вышываннем, умее смачна гатаваць. Усе сябруюць са спортам і не сябруюць са шкоднымі звычкамі. Пра вялікую сям'ю марылі і мама, і тата, таму кожнаму з дзяцей удзяляецца дастаткова ўвагі.

Двухпавярховы катэдж плошчай больш за 250 кв. м змяшчае дзесяць пакояў. Таму асабістая прастора будзе ў кожнага. У доме ёсць усё неабходнае. У двары — дзіцячая пляцоўка, гараж і гаспадарчыя пабудовы.

Унёсак у адкрыццё дома сямейнага тыпу зрабілі многія прадпрыемствы і арганізацыі, прадстаўнікі якіх шчыра радаваліся за навасёлаў. Чырвоную стужку ганаровыя госці пераразалі разам з малымі. Ад імя мясцовых улад намеснік старшыні Гомельскага аблвыканкама Уладзімір Прывалаў уручыў сям'і сертыфікат на дзве тысячы рублёў для набыцця мяккай мэблі.

Увогуле, дзіцячы дом сямейнага тыпу ўзводзіўся ў адпаведнасці з Дзяржаўнай інвестпраграмай. На яго будаўніцтва было накіравана Br225 тысяч з рэспубліканскага бюджэту і Br242 тысячы — з абласнога. За кошт бюджэтных сродкаў таксама ўкамплектавалі катэдж усім неабходным: ад посуду і бялізны да мэблі і сучаснай тэхнікі.

Цяпер у Гомельскай вобласці адкрыта 48 дамоў сямейнага тыпу, у якіх пражывае 311 дзяцей.

Наталля КАПРЫЛЕНКА

Фота Мікалая БАРЫСЕНКІ

Загаловак у газеце: Тут наш дом

Выбар рэдакцыі

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».