Вы тут

СААЗ: Самаізаляцыя і каранцін не дапамогуць канчаткова перамагчы каранавірус


Кіраўнік СААЗ Тэдрас Гебрэісус заявіў, што для поўнай перамогі над каранавірусам неабходны цэлы комплекс мер, які дазволіць у будучыні не паўтарыць аднаўлення эпідэміі, перадае РБК.


Кіраўнік Сусветнай арганізацыі аховы здароўя Тэдрас Гебрэісус на брыфінгу для журналістаў у Жэневе заявіў, што сама па сабе самаізаляцыя грамадзян і абмежаванне на рух не дапамогуць канчаткова ліквідаваць пандэмію каранавруса.

Паводле яго слоў, падобныя меры дазваляюць выйграць час у барацьбе з распаўсюджваннем хваробы, аднак для выратавання жыццяў гэтага недастаткова. "Вы стварылі акно магчымасцяў. Але пытанне ў тым, як вы яго выкарыстоўваеце", - заявіў кіраўнік СААЗ.

Паводле яго слоў, існуе шэсць спосабаў дамагчыся прарыву ў барацьбе з распаўсюджваннем хваробы. У першую чаргу неабходна палепшыць сістэму аховы здароўя і падрыхтаваць медыцынскі персанал, гатовы працаваць з хворымі. Таксама неабходна выявіць усіх інфіцыраваных і павялічыць колькасць тэстаў на каранавірус.

Таксама Гебрэісус заявіў аб неабходнасці рыхтаваць дадатковыя бальніцы для прыёму пацыентаў, адсочваць усе кантакты тых, хто захварэў і перакінуць усе сілы менавіта на барацьбу з каранавірусам.

"Гэтыя меры дапамогуць не толькі спыніць распаўсюд віруса, але і не дапусціць аднаўленне эпідэміі пасля зняцця ўсіх абмежаванняў", - заявіў кіраўнік СААЗ. "Калі вы будзеце ізноў адчыняць школы і прадпрыемствы, то толькі для таго, каб закрыць іх потым", - сказаў ён.

"Знаходзіць, ізаляваць, тэставаць, лячыць, адсочваць - вось спосаб пазбегнуць далейшых абмежаванняў", - сказаў Гебрейесус.

Па дадзеных універсітэта Джона Хопкінса, у свеце каранавірусам заразіліся больш за 460 тыс. чалавек. 20857 памерлі, 113,6 тыс. ачунялі. Больш за ўсё загінулых у Італіі, Іспаніі, Кітаі, Іране і Францыі.

Прэв'ю: AP

Выбар рэдакцыі

Палітыка

«Рэальнае жыццё нi ў якi нават самы дасканалы закон не ўмесцiш»

«Рэальнае жыццё нi ў якi нават самы дасканалы закон не ўмесцiш»

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.

Грамадства

Намеснік міністра аховы здароўя Алена Богдан: Сітуацыя з каранавірусам застаецца кантраляванай

Намеснік міністра аховы здароўя Алена Богдан: Сітуацыя з каранавірусам застаецца кантраляванай

У Беларусі з моманту выяўлення першага выпадку COVID-19 зарэгістравана 351 інфікаваных.