У праваахоўныя органы Барысаўскага раёна звярнуўся 51-гадовы жыхар райцэнтра з заявай аб крадзяжы дарагога мабільнага тэлефона. Кошт зніклай рэчы складае больш за 1500 рублёў. Пацярпелы распавёў, што напярэдадні пазнаёміўся з 50-гадовай барысаўчанкай.
Пасля непрацяглай першай гутаркі пара вырашыла працягнуць знаёмства ў больш спакойнай атмасферы. Мужчына запрасіў прыяцельку да сябе дадому. Гутарка не абышлася без высокаградусных напояў. Праз некаторы час мужчына заснуў. А калі прачнуўся, ні новай знаёмай, ні мабільнага тэлефона не выявіў. У дадатак жанчына прыхапіла слоік мёду і… дамашнія тапачкі.
Супрацоўнікі міліцыі высветлілі асобу той самай госці. Ёй апынулася раней судзімая жанчына.
Сяргей РАСОЛЬКА
Прэв'ю: m.az-jenata.bg
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
