Вы тут

Вызваленым па амністыі будзе аказана дапамога


Падчас чарговага пасяджэння другой сесіі Палаты прадстаўнікоў Нацыянальнага сходу быў разгледжаны адразу ў двух чытаннях законапраект «Аб амністыі ў сувязі з 75-годдзем Перамогі ў Вялікай Айчыннай вайне 1941—1945 гадоў». Асабліва актыўна дэпутаты абмяркоўвалі пытанні амністыі непаўналетніх асуджаных па артыкуле 328 Крымінальнага кодэкса.


news.myseldon.com

«Я шмат гадоў аддаў барацьбе са злачыннасцю і выдатна памятаю часы, калі мы працавалі да дэкрэта Прэзідэнта аб узмацненні жорсткасці мер па барацьбе з наркаманіяй. Выязджаў на месцы здарэнняў як начальнік міліцыі, і тады нам маці задавалі пытанні, маўляў, чаму мы нічога не робім? Я лічу, што ўзмацненне адказнасці за распаўсюджванне наркотыкаў выратавала вялікую колькасць падлеткаў. Мы былі заклапочаны, ці не паўплывае своеасаблівае змякчэнне ў гэтай сферы на барацьбу ў адпаведным кірунку, на агульны ўзровень злачыннасці, — растлумачыў намеснік старшыні Пастаяннай камісіі Палаты прадстаўнікоў па міжнародных справах Алег ГАЙДУКЕВІЧ. — Прыйшлі да высновы, што не, амністыя — гэта праяўленне гуманізму з боку дзяржавы, і яна будзе на карысць».

За аснову законапраекта была ўзятая структура папярэдняга закона аб амністыі, але многія палажэнні актуалізаваныя і перапрацаваныя з улікам практыкі яго прымянення, аналізу судовай статыстыкі, інфармацыі Міністэрства ўнутраных спраў і Генеральнай пракуратуры.

— Новае ў гэтым законе тое, што сёлета пад амністыю трапляюць непаўналетнія, якія здзейснілі злачынствы, прадугледжаныя часткамі 4 і 5 артыкула 328 Крымінальнага кодэкса — за незаконны абарот наркотыкаў, — дадала член Пастаяннай камісіі па нацыянальнай бяспецы Марына ЛЯНЧЭЎСКАЯ. — Таксама пад амністыю трапяць асуджаныя па карупцыйных злачынствах, безумоўна, толькі пры кампенсацыі шкоды. Традыцыйна пад дзеянне гэтага закона трапяць ільготныя катэгорыі грамадзян: непаўналетнія, цяжарныя жанчыны, адзінокія жанчыны ці мужчыны, якія выхоўваюць дзяцей да 18 гадоў, асобы, якія хварэюць на анкалогію, і іншыя.

Тэрмін выканання новага закона — шэсць месяцаў. Летась тэрмін выканання закона аб амністыі складаў дзевяць месяцаў. Пад амністыю не трапляюць асобы, якія здзейснілі асабліва цяжкія злачынствы і некаторыя злачынствы з катэгорыі менш цяжкіх.

«Закон аб амністыі — унікальны нарматыўна-прававы акт, — расказала старшыня Пастаяннай камісіі па заканадаўстве Святлана ЛЮБЕЦКАЯ. — Ён сам па сабе не адмяняе прызначанага пакарання, ён не ставіць пад сумненне законнасць, абгрунтаванасць і справядлівасць прысуду. Гэта шанц для асуджаных аднавіць нармальнае жыццё і весці законапаслухмяны лад жыцця. Сёння актуальны запыт грамадства на ўзаемадзеянне з уладай. Да нас паступіла некалькі дзясяткаў зваротаў ад бацькоў тых, хто асуджаны па артыкуле 328, і гэты законапраект — пасыл людзям, што мы іх чуем».

Мяркуецца, што з нагоды свята па амністыі будзе вызвалена больш за пяць тысяч асуджаных. Аказанне дапамогі гэтым людзям у бытавым і працоўным уладкаванні прадугледжана законапраектам.

«МУС працуе над гэтым ва ўзаемадзеянні з Мінпрацы і мясцовымі ўладамі, — запэўніў міністр унутраных спраў Юрый КАРАЕЎ. — У адносінах да кожнага вызваленага накіроўваецца інфармацыя па месцы жыхарства для аказання пэўнай дапамогі».

Што датычыцца дзяцей і падлеткаў, якія ўчынілі злачынствы па артыкуле 328 Крымінальнага кодэкса, дык іх на самай справе няшмат. Таму іх доля сярод тых, каго амнісціруюць, невялікая. «Да ўсіх падышлі па-чалавечы, па справядлівасці. Усіх, каго толькі можна было, мы не выключылі з гэтага працэсу, ніхто не забыты», — дадаў міністр.

Наталля ТАЛІВІНСКАЯ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.