Вы тут

Экалагічныя конкурсы чакаюць сваіх удзельнікаў


Штогод Мінпрыроды і яго тэрытарыяльныя органы, а таксама часопіс «Родная прырода» праводзяць шэраг конкурсаў экалагічнай скіраванасці. Узяць удзел у некаторых з іх можна ўжо зараз.


  • Рэспубліканскі конкурс на найлепшую публікацыю экалагічнай тэматыкі (з 15 мая да 15 жніўня ў два этапы)

Гэты конкурс — для творчых асоб рознага ўзросту (школьнікаў, аматараў і прафесіяналаў), аб'яднаных любоўю да роднай зямлі.

Каб стаць яго ўдзельнікам, трэба да 6 ліпеня 2020 года накіраваць у абласныя і Мінскі гарадскі камітэты прыродных рэсурсаў і аховы навакольнага асяроддзя свае работы з пазнакай «На рэспубліканскі конкурс на найлепшую публікацыю экалагічнай тэматыкі». Гэта могуць быць нарысы, артыкулы, рэпартажы, агляды, замалёўкі, нататкі і каментары аб беражлівым стаўленні да прыроды, навядзенні парадку на зямлі, добраўпарадкаванні тэрыторыі населеных пунктаў, абыходжанні з адходамі, ахове водных рэсурсаў, атмасфернага паветра, жывёльнага і расліннага свету, укараненні новых тэхналогій у галіне аховы навакольнага асяроддзя, захаванні помнікаў прыроды і іншыя матэрыялы па пытаннях аховы навакольнага асяроддзя і рацыянальнага выкарыстання прыродных рэсурсаў.

Матэрыялы павінны быць апублікаваны ў перыядычных выданнях у перыяд з 15 мая 2019 года да 15 мая 2020 года. Пераможцы конкурсу ўзнагароджваюцца дыпломамі і грашовымі прэміямі.

Дадатковую інфармацыю пра ўдзел у конкурсе можна знайсці на сайтах тэрытарыяльных органаў Мінпрыроды.

  • Гарадскі конкурс фотаздымкаў на экалагічную тэматыку «Зялёны Мінск — 2020»

Конкурс праводзіцца з 30 сакавіка да 16 лістапада 2020 года на тэрыторыі Мінска.

Узяць удзел у ім могуць усе ахвотныя — як прафесійныя фатографы, дызайнеры, так і аматары.

Для ўдзелу ў адборы аўтарам трэба даслаць прэв'ю сваіх фота ў электронным выглядзе на адрас Мінскага гарадскога камітэта прыродных рэсурсаў і аховы навакольнага асяроддзя mіnskprіroda@gmaіl.com да 1 кастрычніка 2020 года.

Работы ў цэлым павінны адпавядаць тэматыцы конкурсу «Зялёны Мінск». Яны прымаюцца ў намінацыях «Прыродныя фантазіі», «Мой зялёны горад», «Чалавек у згодзе з прыродай», «Пад незвычайным вуглом», «Экалогія Мінска вачыма жыхароў», «Экапрыколы», «Экалогія горада і царква», «Вадаёмы Мінска», «Альтэрнатыўныя віды транспарту», «Найлепшая макрафатаграфія».

Работы пераможцаў будуць размешчаны ў эколага-інфармацыйным календары камітэта на 2021 год, а таксама стануць экспанатамі выставак у 2020-2021 гадах.

Падрабязная інфармацыя пра ўдзел у конкурсе — на сайце Мінскага гарадскога камітэта прыродных рэсурсаў і аховы навакольнага асяроддзя.

  • Конкурс «Краявіды малой радзімы» ад часопіса «Родная прырода»

Запрашаем чытачоў «Роднай прыроды» да ўдзелу ў конкурсе, прысвечаным прыродзе роднага краю. Мы чакаем ад вас фотаздымкаў, а таксама вершаў і замалёвак, у якіх вы раскажаце пра сваю малую радзіму. Вынікі конкурсу падвядзём у канцы года. Пераможцы атрымаюць прызы і падарункі.

Дасылайце свае работы на адрас: вул. Захарава, 19, Мінск, 220034 ці на e-maіl: pryroda@zvіazda.by.

Прэв'ю: babruysk.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.