З 6 па 9 чэрвеня на тэрыторыі Мінскай вобласці пройдзе акцыя «Бяспечны абгон»

Яе мэтай з’яўляецца прафілактыка дарожных здарэнняў з прычыны абгону і выезду на паласу сустрэчнага руху.

Аўтамабільныя аварыі, якія адбываюцца менавіта па прычыне выезду кіроўцамі на паласу сустрэчнага руху, маюць асабліва цяжкія наступствы. А на загарадных дарогах абгон — самы небяспечны від манеўру. Нават самыя вопытныя кіроўцы нярэдка няправільна вызначаюць час, неабходны для абгону, і адлегласць, якую пройдзе абганяючы аўтамабіль.

Як рэкамендуюць ва УДАІ УУС Мінаблвыканкама, не варта рызыкаваць, ідучы на ​​абгон, калі абмежаваная бачнасць, напрыклад, з-за дажджу або туману. Ні ў якім разе нельга здзяйсняць абгон з правага боку па узбочыне, нават калі яна свабодная ад машын і людзей і добра праглядаецца. Вельмі часта ямы, выбоіны і староннія прадметы становяцца прычынай змены кірунку руху, сутыкнення з абганяючым аўтамабілем і «выцяснення» яго на паласу сустрэчнага руху. Дарожны знак «Абгон забаронены» і «суцэльная» лінія разметкі прысутнічаюць на дарозе нездарма. У гэтых выпадках здзяйсняць абгон вельмі небяспечна.

Дзяржаўтаінспекцыя настойліва рэкамендуе кіроўцам пры руху ўлічваць умовы надвор’я і дарожныя ўмовы, пры гэтым вытрымліваць хуткасны рэжым, дыстанцыю паміж транспартнымі сродкамі, правілы абгону, у абавязковым парадку прышпільвацца рамянямі бяспекі, малалетніх дзяцей перавозіць у спецыяльных дзіцячых утрымліваючых прыладах.

Сяргей РАСОЛЬКА

Прэв'ю: logist.today