05 снежня, субота

Вы тут

Раім паглядзець


Зыбіцкая анлайн, Анлайн-трэніроўкі з чэмпіёнкай свету, «Мастак і горад» анлайн, Купалаўскія спектаклі і іншае — афіша «Звязды».


Купалаўскія спектаклі анлайн

Дзе: 24afisha.by

Калі: у любы час

Колькі каштуе: 10 BYN

Цяпер спектаклі Купалаўскага тэатра можна паглядзець дома ў крэсле з кубачкам гарбаты і смачнай цукеркай. І на любой адлегласці ад самога тэатра!

Да прагляду даступныя наступныя спектаклі бягучага рэпертуару: «Паўлінка», «Кароль Лір», «Чайка», «Шляхціц Завальня, або Беларусь у фантастычных апавяданнях», «Зямля Эльзы», «Каханне як мілітарызм», «Пан Тадэвуш», «Рэвізор», «Ураджай», «Вельтмайстар-акардэон», «Школа падаткаплацельшчыкаў», «Радзіва Прудок».

Кошт квітка на анлайн-прагляд — 10 BYN, аплата можа ажыццяўляцца з усіх трымальнікаў картак Mastercard i Visa. Доступ да прагляду будзе адкрыты 7 дзён пасля аплаты.


Праект «Мастак і горад» анлайн

Дзе: higminsk.by

Калі: па 14 чэрвеня

Колькі каштуе: бясплатна

Сёлета выставачны праект «Мастак і горад» упершыню адкрываецца ў анлайн-рэальнасці. Жадаючым наведаць экспазіцыю не трэба выходзіць з дому — дастаткова зайсці на сайт праекта і здзейсніць віртуальны тур па сталічнай плошчы Якуба Коласа.

Тут у панарамным фармаце наведвальнікі ўбачаць кубічныя канструкцыі з рэпрадукцыямі карцін. Карыстальнік можа агледзець кожны куб з усіх бакоў. Пры націску на рэпрадукцыю карціна адкрыецца ў фармаце фатаграфіі высокай якасці.

У экспазіцыі 32 работы, частка з якіх напісана жывапісцамі творчага аб’яднання «Квадрат», якое па праву можна назваць спадчыннікам УНОВІСа. «Квадрат» у экспазіцыі прадстаўлены працамі Аляксандра Малея — заснавальніка аб’яднання, Мікалая Дундзіна, Віктара Шылко, Аляксандра Дасужава, Аляксандра Сляпова і Валерыя Чукіна.

Выставачны праект плануецца запусціць у афлайн-фармаце, як толькі гэтаму будзе спрыяць эпідэміялагічная сітуацыя. Таксама ў планах пераезд экспазіцыі з Мінска ў Віцебск — горад, дзе зарадзілася творчае аб’яднанне УНОВІС.


Зыбіцкая анлайн

Дзе: bulbashbar.by

Калі: па 15 чэрвеня

Колькі каштуе: бясплатна

«Вуліца Зыбіцкая — сімвал горада, яго турыстычны і тусовачны цэнтр. У мінулым годзе на майскія святы Мінск трапіў у топ-3 гарадоў для наведвання расійскімі турыстамі з суседніх краін, у гэтым годзе яго вуліцы пустыя», — распавялі арганізатары праекта.

Яны аб’ядналі на адной пляцоўцы чатыры бары, кожную пятніцу запрашаюць вулічных музыкаў і артыстаў, ладзяць марафоны па барах і прамыя лініі з барменамі, каб адрадзіць унікальную атмасферу вуліцы, а таксама пазнаёміць турыстаў з аднаго з бачных славутасцяў горада online.

Зараз на Online Зыбіцкай 24/7 працуюць кактэйль-бар «Bar Duck», бар «Курылка», лаўндж-бар «Чайны п’яніца» і гастрабар «Палугар». У кожнай установы па 10 асабістых пакояў для сустрэч у звыклай для наведвальнікаў атмасферы.

Можна далучыцца да размовы з незнаёмцамі за віртуальнай барнай стойкай, наведаць анлайн-івэнт ці забраніраваць «столік» толькі на сваю кампанію — у кожнай установе пакоя № 8–№ 10 прызначаныя для асабістых сустрэч, у колькасці не больш за 4 чалавек. Распавесці сябрам, у якім бары вы затрымаліся, можна пры дапамозе адмысловых спасылак-запрашэнняў.

Пра тое, якая праграма і ў якіх установах запланаваная на працягу месяца, можна даведацца дзякуючы поўнай афішы.


Анлайн-трэніроўкі з чэмпіёнкай свету

plavnichok.ru

Дзе: instagram.com

Калі: з 11 чэрвеня

Колькі каштуе: бясплатна

«Савушкін прадукт» запускае серыю бясплатных анлайн-трэніровак, якія будуць праходзіць 2 разы на тыдзень (па панядзелках і чацвяргах) у 19:00 у Instagram. Ролікі з мінулымі трэніроўкамі таксама можна будзе знайсці ў профілі @savushkin_product ці праз некаторы час знайсці ролік з трэніроўкай, якая ўжо прайшла.

Мінулая трэніроўка

Спецыяльна для праекта праграму трэніровак распрацавала трохразовая чэмпіёнка свету па фітнес бікіні, фітнес-трэнер і дыетолаг Зіна Вусік.

«Сёння для заняткаў спортам няма адмысловай неабходнасці наведваць фітнес-клубы, усё мінімальна неабходнае можна знайсці дома. На нашых трэніроўках мы звернем увагу на тое, як можна хутка і лёгка прывесці сябе ў форму пасля рэжыму самаізаляцыі. Галоўнае — правільнае харчаванне і некалькі простых фізічных практыкаванняў на дзень», — патлумачыла трэнер.

Усе заняткі складзеныя такім чынам, каб быць карыснымі як для мужчын, так і для жанчын. Акрамя трэніроўкі, усе ўдзельнікі змогуць задаць пытанні трэнеру асабіста і атрымаць рэкамендацыі па правільным харчаванні.


«Дамашні тэатр» ад HomoCosmos

Дзе: facebook.com

Калі: 6 чэрвеня

Колькі каштуе: 2/10/25 BYN

Незалежная тэатральная кампанія HomoCosmos адкрывае «Дамашні тэатр».

#ХомоДома — гэта штотыднёвыя анлайн-паказы спектакляў, пакуль не стане магчымай жывая сустрэча ў глядзельнай зале. Акрамя ўжо наяўных спектакляў, вы таксама ўбачыце перадпрем’еры будучых работ, а таксама спецыяльна створаныя для #ХомоДома новыя інтэрактыўныя пастаноўкі.

Анлайн-трансляцыі спектакляў будуць праходзіць на сайце bezkassira.by. Калі вы хацелі б падтрымаць тэатр, далучайцеся да анлайн-паказаў і выбірайце квіткі прымальнага для вас кошту: 2/10/25 рублёў.

Графік бліжэйшых анлайн-паказаў спектакляў HomoCosmos:

  • 11 чэрвеня, 19: 00 — 17 чэрвеня, 19:00: «Раскрыццё».
  • 18 чэрвеня,19:00 — 24 чэрвеня, 19:00: «Камера, якую дала мне маці».
  • 25 чэрвеня,19: 00 — 1 ліпеня, 19:00: «Бог козыту».

Падтрымаць тэатр HomoCosmos і атрымаць ужо зараз квіткі на будучыя прэм’еры можна на платформе MolaMola.


Праект «Самаізаляцыя OFF»

Дзе: instagram.com

Калі: па 20 чэрвеня

Колькі каштуе: бясплатна

Арт-прастора Moving Art Factory (вул. Куйбышава, 22. 6 паверх) запускае праект «Самаізаляцыя OFF».

Мастацтва заклікана выклікаць эмоцыі, мастацтва абавязана прымушаць дыхаць. Пакліканне мастака — адлюстроўваць сваё бачанне свету ў мастацтве. Калі вы — мастак, ілюстратар, скульптар, відэаграфіст і наогул творчая асоба, то для вас ёсць выдатная магчымасць: паказаць усім, як вы бачыце жыццё падчас самаізаляцыі.

Каранавірус выклікаў не толькі крызіс сусветнай эканомікі, але і крызіс у мастацтве. Адмененыя ўсе канцэрты, спектаклі, кінафэсты, выставы — усё тое, што дае кісларод людзям, якія ствараюць творы мастацтва. Каб неяк дапамагчы творчым людзям, MAF запусціў дадзены праект, у канцы якога ўсе працы будуць паказаныя на вялікім івэнце.

Пасля заканчэння каранціну будзе арганізавана маштабная выстава «Самаізаляцыя OFF» (чэрвень 2020) у падтрымку сучасных мастакоў, на якой адбудзецца продаж экспазіцый рознага жанру, тым самым азначаючы канчатак ізаляцыі, заклікаючы людзей выйсці з дому, атрымаць ударную дозу эмоцый. Шматфункцыянальная арт-прастора «Moving Art Factory» адкрые свае дзверы для ўсіх знатакоў сучаснага мастацтва і збярэ пад адным дахам самых яркіх прадстаўнікоў творчай кам’юніці.

На выставе плануецца прадставіць працы больш чым 40 экспанентаў. Сама выстава зойме ўсе 1600 кв.м. прасторы. Будуць задзейнічаны адначасова 4 залы, дзе людзі змогуць паглядзець кіно, спектаклі, купіць работы мастакоў, паслухаць выступ лакальных музыкаў, лекцыі, прыняць удзел у творчых і танцавальных майстар-класах, пазнаёміцца ​​з мастакамі асабіста.

Выстаўка «Самаізаляцыя ОFF» плануе быць самай маштабнай творчай падзеяй і першым масавым мерапрыемствам на абноўленай пляцоўцы «Moving Art Factory» у 2020 годзе. Час працы выставы, як і іншых наступных, будзе выключна начны з пятніцы на суботу.

Пакуль дакладныя даты правядзення івэнту невядомыя. Але вы ўжо зараз можаце паназіраць за тым, як мастакі ствараюць работы, якія пазней размесцяцца на выставе. Свае дзённікі яны вядуць у сацсетках: напрыклад, у stories і «актуальным».

Больш падрабязна аб праекце чытайце на сайце.


Выстава «Нальшанскія сустрэчы» анлайн

Дзе: facebook.com, vk.com

Калі: у любы час

Колькі каштуе: бясплатна

Музей «Лошыцкая сядзіба» працягвае ў анлайн-фармаце выстаўку «Нальшанскія сустрэчы». У суполках музея ў Facebook і «ВКонтакте» Вы зможаце ўбачыць 55 жывапісных і графічных твораў, а таксама прайсці анлайн-квэст.

Выстава «Нальшанскія сустрэчы» — расповед мастакоў, удзельнікаў пленэру, якія летам 2019 года сабраліся ля старога млына на аграсядзібе «Вялес» на стромкіх берагах Віліі. Да мастакоў далучыліся беларускія паэты і барды.

Сярод аўтараў «Нальшанскіх сустрэч» заслужаныя дзеячы мастацтваў Рэспублікі Беларусь Віктар Барабанцаў і Віктар Нямцоў, лаўрэат прэміі «За духоўнае адраджэнне» Алесь Суша, вядомыя мастакі мінскага краю: Анатоль Бяляўскі, Віктар Мікіта, Галіна Беганская, Кастусь Качан, Таццяна Ласка і Эдуард Мацюшонак.

Нальшанскі край надзвычай шырока раскрыўся ў творчасці мастакоў — удзельнікаў выстаўкі. Віктар Мікіта ўвасобіў у творах міфы і легенды краю, прысвяціў шэраг прац вяскоўцам, а Віктар Барабанцаў стварыў партрэт Вацлава Гражуля, цяпер адзінага ветэрана Вялікай Айчыннай вайны, які жыве ў Жодзішках. Анатоль Бяляўскі засяродзіў увагу на дрэвах-волатах Нальшанскга краю. Кастусь Качан паказаў прыгажосць і лірызм беларускай прыроды, Таццяна Ласка і Галіна Бяганская замілаваліся пейзажамі, а Эдуард Мацюшонак прысвяціў сваё працы старадаўнім мястэчкам паўночна-заходняй Беларусі.

У межах выстаўкі працуе анлайн-квэст, у межах якога трэба адказаць на 9 пытанняў. Пераможцы квэсту змогуць атрымаць падзяку ад самога Яўстафія Любанскага.


Выстава Аляксандра Родчанкі

Дзе: lumiere.ru

Калі: па 14 чэрвеня

Колькі каштуе: бясплатна

Аляксандр Родчанка — галоўны фатограф авангарду.

Выставы яго работ у сталіцы праходзяць рэгулярна, але экспазіцыя ў Цэнтры фатаграфіі імя братоў Люм’ер — унікальная. Гэта фатаграфіі розных гадоў, пачынаючы з першых фатаграфічных досведаў 1920-х да канца 1930-х гадоў, — усё з калекцыі фонду Still Art, створанага Аленай і Міхаілам Карысалавымі. Разыначка выставы — партрэты сяброў Родчанкі: мастакоў, паэтаў, пісьменнікаў і кінарэжысёраў, сярод якіх Ліля Брык, Уладзімір Маякоўскі і Варвара Сцяпанава. Наведвальнікі таксама ўбачаць легендарныя архітэктурныя здымкі Родчанкі: «Балконы», «Пажарная лесвіца» і іншыя.


Віртуальная выстава «Забароненыя зоны»

Дзе: atmasfera.by

Калі: у любы час

Колькі каштуе: бясплатна

Віртуальная выстава «Забароненыя зоны» (18+) прысвечана табуяваным тэмам, пра якія складана, дыскамфортна, не прынята казаць услых.

Праект аб’ядноўвае працы 9 мастачак з Брэста і Мінска, якія створаны ў розных медыя: графіка, фатаграфія, калаж, тэкстыль, відэа, мультымедыйная інсталяцыя.

Задача выставы — дазволіць мастачкам выказаць набалелае, а гледачам пазбавіцца ад унутраных блокаў, комплексаў, сумненняў і самацэнзуры (а яшчэ навучыцца супрацьстаяць цэнзуры грамадскай).

Яшчэ адна важная тэма, з якой папрацавалі мастачкі, — тэма экалогіі. Нягледзячы на тое, што яна візуальна менш шакавальная і здаецца далёкай, такой, якая тычыцца гледачоў толькі недзе ў перспектыве, гэта адна з самых страшных праблем нашага часу. Усе бачылі гэтую зіму без снегу і чыталі пра кітоў, якія сілкуюцца пластыкам.


Таксама вы можаце паглядзець пяць спектакляў анлайн

Выбар рэдакцыі

Грамадства

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Патрыяршы экзарх падзялiўся сваiмi думкамi пра асаблiвасцi i сапраўдную небяспеку сённяшняга часу.

Спорт

16-гадовая тэнiсiстка Дар'я Хамуцянская:  На корце сяброў няма

16-гадовая тэнiсiстка Дар'я Хамуцянская: На корце сяброў няма

У яе планах — стаць лепшай за Арыну Сабаленку.

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.