22 кастрычніка, чацвер

Вы тут

Што хвалюе жыхароў Міншчыны?


Заяўнікаў з усіх куткоў цэнтральнага рэгіёна выслухаў памочнік Прэзідэнта — інспектар па Мінскай вобласці Ігар Яўсееў падчас тэлефоннай лініі ў Мінаблвыканкаме.


Анатоль Іванавіч з Чэрвеня паскардзіўся, што вуліца Гагарына, дзе ён жыве, у нездавальняючым стане. Сёлета ў Чэрвені пройдуць абласныя «Дажынкі», і Ігар Яўсееў запэўніў, што ў межах падрыхтоўкі да свята выедзе на месца, каб ацаніць маштабы работ, а таксама даручыць выправіць праблему, якая хвалюе заяўніка.

У Людмілы Віктараўны з Заслаў'я падтопліваецца ўчастак. Справа ў тым, што на дарозе няправільна пакладзена труба, таму сцёкавыя воды трапляюць у агарод гаспадыні. Куды толькі ні звярталася жанчына, а воз і сёння тут. Ігар Яўсееў паабяцаў выехаць на месца і прыняць неабходныя меры па выпраўленні становішча.

Зінаіда Аляксандраўна з вёскі Краснае Маладзечанскага раёна расказала, што побач з яе домам знаходзіцца ўчастак, які пустуе каля пяці гадоў. Яго гаспадар — інвалід, жыве ў інтэрнаце. Зямля зарасла быльнягом, з'явіўся хмызняк. Ігар Яўсееў запэўніў, што пытанне будзе вырашана: ён звяжацца са старшынёй сельвыканкама і высветліць, хто павінен даглядаць участак, — магчыма, у домаўладальніка ёсць сваякі.

Работнік БелАЗа Андрэй Уладзіміравіч з жонкай выхоўваюць чатырох непаўналетніх дзяцей. Шматдзетная сям'я будуе льготнае жыллё ў Жодзіне. Але яны не могуць прэтэндаваць на 120 квадратных метраў. Справа ў тым, што мужчына прадаў стары, не прыдатны для жыцця дом плошчай 47 «квадратаў» у вёсцы. Як адказваюць у розных інстанцыях, ён не мае права на субсідыю на такі метраж. Ігар Яўсееў запэўніў, што падключыць юрыстаў, а пытанне возьме на асабісты кантроль.

— У асноўным звяртаюцца людзі з бытавымі пытаннямі, — паведаміў Ігар Яўсееў журналістам. Часам дакументы даводзіцца накіроўваць у пракуратуру, як у выпадку з размеркаваннем жылля ў новым доме, пабудаваным для медыкаў.

Людзі звяртаюцца са сваімі праблемамі на тэлефонныя лініі, таму што давяраюць Прэзідэнту і яго памочнікам, лічыць Ігар Уладзіміравіч. Сёння на кантролі памочніка Прэзідэнта шмат пытанняў: аздараўленне дзяцей, будаўніцтва дзіцячых садкоў і школ, своечасовая выплата заработнай платы. «Гэта важнае пытанне, якое паставіў кіраўнік дзяржавы, — падкрэсліў Ігар Яўсееў. — На Міншчыне ўсяго тры прадпрыемствы, дзе заробкі меншыя за 600 рублёў. І мы разбіраемся, чаму».

Таццяна ЛАЗОЎСКАЯ


Мерапрыемствы ў рэгіёнах з удзелам кіраўнікоў Адміністрацыі Прэзідэнта працягнуцца. Падчас выязных прыёмаў з іх удзелам грамадзяне змогуць асабіста данесці свае праблемы да кіраўнікоў высокага ўзроўню, а таксама абмеркаваць пытанні, якія датычацца актуальных аспектаў развіцця іх малой радзімы і краіны ў цэлым. Для тых, хто з якіх-небудзь прычын не можа прыйсці на сустрэчу асабіста, падчас выездаў будуць арганізаваны прамыя тэлефонныя лініі. Нумары тэлефонаў размешчаны на сайтах мясцовых органаў улады, а таксама ў сродках масавай інфармацыі.

16 чэрвеня ў Слуцкім райвыканкаме ў 10 гадзін пачне працаваць на выязным прыёме першы намеснік кіраўніка Адміністрацыі Прэзідэнта Максім Уладзіміравіч РЫЖАНКОЎ. 17 чэрвеня ў Астравецкім райвыканкаме з 10 да 12 гадзін будзе праходзіць прамая тэлефонная лінія з намеснікам кіраўніка Адміністрацыі Прэзідэнта Андрэем Міхайлавічам КУНЦЭВІЧАМ, а з 12 гадзін пачнецца асабісты прыём. У гэты ж дзень у Бярозаўскім райвыканкаме будзе працаваць начальнік галоўнага ўпраўлення па рабоце са зваротамі грамадзян і юрыдычных асоб Рыгор Іванавіч ШЛЫК: з 10 да 12 гадзін — на прамой тэлефоннай лініі, а з 12.00 — на асабістым прыёме.

Загаловак у газеце: Льготнае жыллё, дарогі і зарплата

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.