Вы тут

Кніжныя прэзентацыі: Выдавецкі дом «Звязда» — на Магілёўшчыне


Нават ва ўмовах пандэміі айчынныя кнігавыдаўцы імкнуцца абвясціць пра свае навінкі шырокаму колу чытачоў. І не толькі у віртуальным фармаце.


Расказвае намеснік дырэктара Выдавецкага дома «Звязда» Юлія ДАШКЕВІЧ:

— Мы актыўна супрацоўнічаем з рознымі рэгіёнамі краіны, прапагандуючы кніжныя навінкі. Вось і 28 чэрвеня выпраўляемся ў сапраўднае турнэ з нагоды Дня горада ў Магілёве. Правядзём прэзентацыю цэлага шэрагу кніжных навінак ад «Звязды». Арганізуем таксама гандаль для жыхароў горада. У параўнанні з Мінскам у Магілёве зусім не такая шчыльная насычанасць кнігарнямі. Таму і гэты клопат вельмі важны — каб кніга дайшла да пакупніка. А на зваротнай дарозе заедзем у Бялынічы, дзе сёлета будзе праводзіцца Дзень беларускага пісьменства. З дапамогай мясцовых бібліятэкараў правядзём прэзентацыю кніг Паўла Гушчынца, які вядомы як празаік, публіцыст, выступае ў сваіх кнігах сапраўдным педагогам, абаронцам сямейных каштоўнасцяў, уважлівым да выхавання дзяцей літаратарам. Дарэчы, у інфармаванні чытача, пакупніка нам добра дапамагаюць мясцовыя медыя-рэсурсы. У прыватнасці, хацелася б падзякаваць калектыву бялыніцкай раённай газеты «Зара над Друццю», які ўважлівы да прапаганды кнігі.

Яшчэ ў найбліжэйшыя дні ў Выдавецкага дома «Звязда» на чарзе і іншыя прэзентацыі. У Нацыянальнай бібліятэцы Беларусі 30 чэрвеня адбудзецца знаёмства чытачоў адразу з дзвюма кнігамі лаўрэата прэміі Прэзідэнта Рэспублікі Беларусь «За духоўнае адраджэнне» Уладзіміра Ліхадзедава з серыі «У пошуках страчанага». Абодва выданні рэпрадукцый старых паштовак прысвечаны тэме Вялікай Айчыннай вайны.

А на канец чэрвеня і пачатак ліпеня запланаваны і «Кніжныя сустрэчы «Звязды» ў дзіцячых аздараўленчых лагерах «Зубраня», «Лідар» ды ў іншых мясцінах.

Мікола БЕРЛЕЖ

Прэв’ю: vesti.ru

Загаловак у газеце: На свята — на цягніку

Выбар рэдакцыі

Грамадства

«Лепшы цюнінг для машын — правільны пратэктар шын»

«Лепшы цюнінг для машын — правільны пратэктар шын»

Менавіта пад такім слоганам будзе праводзіцца Рэспубліканская прафілактычная акцыя, якая ініцыяваная на нашых дарогах Дзяржаўтаінспекцыяй краіны. 

Грамадства

Зімовы асартымент. Колькі каштуюць «вітаміны» на «Лебядзіным»

Зімовы асартымент. Колькі каштуюць «вітаміны» на «Лебядзіным»

З якімі прыкметамі вы звязваеце набліжэнне зімы? 

Грамадства

Якiя нашы звычкi шкодзяць здароўю i знiшчаюць iмунiтэт?

Якiя нашы звычкi шкодзяць здароўю i знiшчаюць iмунiтэт?

Мы ў жыццi шмат чаго робiм, што пагаршае наша здароўе — або адразу, або ў аддаленай перспектыве.