Вы тут

Старыя паштоўкi вяртаюць да падзей Вялiкай Айчыннай. Новыя выданнi серыi «У пошуках страчанага»


1 лiпеня ў Нацыянальнай бiблiятэцы Беларусi а 16-й гадзiне адбудзецца прэзентацыя новых кнiг вядомага ў краiне фiлакартыста Уладзiмiра Лiхадзедава — «Блакада» i «75 гадоў Перамогi ў Вялiкай Айчыннай вайне».


Праект «У пошуках страчанага», якiм калекцыянер апякуецца ўжо болей за пятнаццаць гадоў, цяпер уключае звыш 20 фiлакартычных альбомаў. Кнiгi, якiя будуць прэзентаваны на пляцоўцы Нацыянальнай бiблiятэкi Беларусi, прысвечаны тэме Вялiкай Айчыннай вайны. Рэпрадукцыi старых паштовак расказваюць пра тыя цi iншыя мясцiны Ленiнграда — сённяшняга Санкт-Пецярбурга, пра блiзкiя ваколiцы горада на Няве. Пра тое, якiмi былi розныя адрасы ў пярэдадзень вайны, а пасля i ў гады лiхалецця. Многiя iлюстрацыi прысвечаны перапiсцы, лiставанню жыхароў блакаднага горада, iх родзiчаў. Чытаеш словы, выпiсаныя сэрцамi людзей, — i адкрываеш для сябе новае аблiчча гераiчнай i драматычнай памяцi.

Выданне «75 гадоў Перамогi ў Вялiкай Айчыннай вайне» — яшчэ i збор рэпрадукцый старых плакатаў, што настройвалi людзей на перамогу, пераадольванне страху, стварэнне жывога, светлага настроя.

Прэзентацыя фiлакартычных выданняў — толькi адзiн з элементаў выстаўкi «Вайна i мiр. Беларусь памятае. Вяртанне», праекта, заснавальнiкам якога поруч з НББ з'яўляецца Мiнiстэрства iнфармацыi Рэспублiкi Беларусь. Сiмвалiчна, што адкрыццё выстаўкi адбываецца напярэдаднi Дня Незалежнасцi Рэспублiкi Беларусь. Усiм гасцям прэзентацыi кнiг, выстаўкi старых паштовак з калекцыi У. Лiхадзедава будуць уручаны рэпрынты паштовак. А таксама — копii старых дарэвалюцыйных газет.

Алесь Пясчанскi

Прэв’ю: readrate.com

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.