Вы тут

Каля 1 мiльёна рублёў плануецца накiраваць на фiнансаванне ў навуку для спорту


Каля 1 мiльёна рублёў плануе накiраваць Дзяржаўны камiтэт па навуцы i тэхналогiях Беларусi на фiнансаванне навукова-даследчых праектаў ДУ «Рэспублiканскi навукова-практычны цэнтр спорту».


Пра гэта паведамiў падчас наведвання РНПЦ спорту старшыня ДКНТ Аляксандр Шумiлiн. На наступныя пяць гадоў запланавана рэалiзацыя праектаў па ацэнцы бiямеханiкi i рэакцыi сардэчна-сасудзiстай сiстэмы на фiзiчную нагрузку з выкарыстаннем касцюма з 3D-мадэляваннем, па распрацоўцы сучасных аднаўленчых методык пасля рэканструктыўных аперацый каленных суставаў i вывучэннi рызыкi развiцця паталогii апорна-рухальнага апарату ў залежнасцi ад вiду спорту. «РНПЦ спорту актыўна ўзаемадзейнiчае ў навуковым i практычным кiрунку з Мiнiстэрствам аховы здароўя, НАН Беларусi i Дзяржкамiтэтам па навуцы i тэхналогiях. Такое цеснае супрацоўнiцтва дазволiла вывесцi работу цэнтра на прынцыпова новы ўзровень — лабараторыя спартыўнага траўматызму валодае ўнiкальнымi айчыннымi тэхналогiямi i аснашчана сучасным высокатэхналагiчным абсталяваннем», — адзначыў Аляксандр Шумiлiн.

У сваю чаргу, дырэктар ДУ «Рэспублiканскi навукова-практычны цэнтр спорту» Iрына Маляваная паведамiла, што ў лабараторыi праводзiцца дыягностыка стану апорна-рухальнага апарату ад шыйнага аддзела пазваночнiка да ступняў i лячэння траўмаў i захворванняў апорна-рухальнага апарату спартсменаў высокага ўзроўню метадамi рэгенератыўнай медыцыны. «З дапамогай оптыка-тапаграфiчнай сiстэмы мы маем магчымасць дыягнаставаць парушэннi апорна-рухальнага апарату, а таксама вызначаць наяўнасць мышачнага дысбалансу ў спартсменаў. Галоўнай перавагай оптыка-тапаграфiчнага метаду з'яўляецца адсутнасць прамянёвай нагрузкi, што робiць гэты метад незаменным для дынамiчнага назiрання за спартсменамi», — падкрэслiла яна.

У лабараторыi спартыўнага траўматызму абследаваліся ўжо больш за 1,5 тысячы спартсменаў, якiм па вынiках тэсцiравання былi дадзены iндывiдуальныя рэкамендацыi па рэабiлiтацыi i трэнiровачным працэсе. Цяпер у РНПЦ спорту прыступiлi да работы па аказаннi высокатэхналагiчных паслуг на экспарт. За кошт гэтага будуць акуплены дзяржаўныя ўкладаннi i павялiчаны паступленнi валюты ў краiну.

Для правядзення навуковых даследаванняў з выкарыстаннем найноўшага сучаснага абсталявання, у тым лiку ў РНПЦ спорту, у краiне з лютага 2020 года функцыянуе навукова-адукацыйны кластар «Iнавацыйныя тэхналогii ў спорце».

Дар'я ЛАБАЖЭВІЧ

Прэв’ю: bookmaker-ratings.ru

Загаловак у газеце: Навука для спорту высокiх дасягненняў

Выбар рэдакцыі

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.

Эканоміка

Разбіраем інвестпраграму Мінска на бягучы год

Разбіраем інвестпраграму Мінска на бягучы год

Яна ў гэтым годзе на 20 % «таннейшая», чым у папярэднім.