Вы тут

На Блакітнай крыніцы ў Слаўгарадскім раёне пройдзе свята Макаўя


Гідралагічны помнік прыроды ў Слаўгарадскім раёне запрашае на свята Макаўя, у госці да Блакітнай крыніцы.


Адпачыць, пакаштаваць смачнага мёду і напіцца гаючай крынічнай вады — усё гэта будзе магчыма каля Блакітнай крыніцы. Праграма чакаецца вельмі насычаная і разнастайная. Будуць працаваць спартыўна-гульнявыя пляцоўкі, экскурсіі каля крыніцы і па Слаўгарадскім раёне, гандлёвыя пункты і атракцыёны.

Далёка за межамі Слаўгарада ведаюць пра надзвычай смачныя вырабы мясцовых сыравараў. Можна будзе не толькі іх набыць, але і навучыцца рабіць самастойна. А вось пра тое, што смачны не толькі слаўгарадскі сыр, але і мёд, мала хто ведае. Пераканацца ў гэтым запрашае ўніверсальны кірмаш «Мядовы Спас», дзе мясцовыя пчаляры прапануюць не толькі мёд, але і розныя каштоўныя для здароўя і настрою вырабы пчалярства. Шмат чаго цікавага і карыснага можна будзе паглядзець і набыць на выстаўцы-продажы прамысловых і харчовых тавараў беларускіх вытворцаў. А яшчэ наведвальнікаў чакаюць майстар-класы, экскурсіі, захапляльныя падарожжы. Арганізатары запрашаюць узяць удзел у велапаходах па маршрутах ад крыніцы да вёскі Крамянка, а таксама да вёсак Благадаць і Дубна. Тут сёння рэалізуецца шмат розных праектаў, з якімі будзе цікава азнаёміцца больш дэталёва на тэматычных пляцоўках. «Гастранамічная крама», «Кола жыцця», «Мабільная школа аўтарскага рамяства», «На шляху сельскага прадпрымальніцтва», «На скрыжаванні густаў» — гэта толькі
некаторыя з іх.

Сёлета шлях да крыніцы стаў больш просты і камфортны. Ад Слаўгарада да яе цяпер вядзе добраўпарадкаваная дарога. А мост цераз Сож, які нядаўна быў адкрыты з удзелам Прэзідэнта, дазволіць ацаніць па поўнай праграме ўсю прыгажосць навакольных мясцін.

Але галоўнае ў гэтай падзеі — усё ж такі цудадзейная Блакітная крыніца, якая з'яўляецца месцам паломніцтва людзей з усіх канцоў свету. 13 жніўня тут адбудзецца вячэрняе богаслужэнне, на наступны дзень раніцай — хрэсны ход, а таксама асвячэнне вады і мёду. Менавіта ў гэтыя дні праваслаўныя вернікі адзначаюць пачатак праваслаўнага двухтыднёвага Успенскага посту, які завершыцца 28 жніўня, у дзень Успення Найсвяцейшай Багародзіцы.

Нэлі ЗІГУЛЯ

Фота holiday.by

Загаловак у газеце: На Блакітнай крыніцы

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.