У свята Праабражэння Госпада Бога і Спаса Мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў малебен аб дараванні міру беларускаму народу ў Свята-Духавым кафедральным саборы сталіцы. Пасля службы прайшоў хрэсны ход, у завяршэнне якога Архірэйскі хор Свята-Духава кафедральнага сабора выканаў «Малітву» Алега Молчана на словы Янкі Купалы.
Нагадаем, што кіраўнік Беларускай праваслаўнай царквы мітрапаліт Павел выказваў занепакоенасць трагічнымі падзеямі, якія адбываюцца ў нашай краіне.
Патрыяршы Экзарх усяе Беларусі заклікаў усіх жыхароў краіны імкнуцца захаваць мір. «З абодвух бакоў — і сярод сілавікоў, і сярод пратэстоўцаў — ёсць паства нашай Царквы. Гэта нашы людзі. І маё сэрца баліць аб усіх», — сказаў Уладыка.
Больш за тыдзень ва ўсіх храмах праходзяць службы аб дараванні міру беларускаму народу.
Крыху раней спявачка Ірына Відава, удава кампазітара Алега Молчана, атрымала благаслаўленне Мітрапаліта на правядзенне культурнай і духоўнай акцыі. Сутнасць яе ў тым, каб па завяршэнні хроснага ходу Архірэйскі хор Свята-Духава кафедральнага сабору пад кіраваннем Віталя Сабалеўскага выканаў «Малітву» Алега Молчана на словы Янкі Купалы. І гэта адбылося. Людзі, якія сабраліся каля храма, маліліся «і сэрцам, і думамі» за тое, «каб чорныя долі з мяцеліцаў шумамі // Ўжо больш не шалелі над роднай зямлёй».
Сумесныя праекты ядзерных тэхналогій.
