У Рэчыцкім раёне мужчына атрымаў апёкі з-за разрыву ацяпляльнага катла

Пра гэта паведамілі ў МНС.

17 кастрычніка ў раённую бальніцу ў Рэчыцы быў дастаўлены пацярпелы апальшчык з вёскі Яноўка. Мужчына праводзіў работы ў школьнай кацельні, якую абслугоўвае райжылкамгас.

У выніку павышэння ціску ў сістэме адбыўся разрыў зварнога шва катла. У гэты момант вясковец знаходзіўся ў непасрэднай блізкасці ад яго і атрымаў апёкі гарачай вадой і траўмы рознай ступені цяжкасці.

Сам будынак кацельні не пашкоджаны. На працу дзіцячага сада-школы інцыдэнт не паўплываў.

Прэв’ю: МНС