Вы тут

28 кастрычніка на Беларускай чыгунцы стартуе акцыя «Дзеці і бяспека»


Напярэдадні школьных восеньскіх канікул магістраль узмоцніць кантроль за выкананнем мер бяспекі непаўналетнімі на аб’ектах чыгуначнага транспарту.


Прафілактычныя мерапрыемствы будуць арганізаваны з 28 кастрычніка па 8 лістапада. Работнікі БЧ сумесна з членамі грамадскіх фарміраванняў, супрацоўнікамі органаў унутраных спраў правядуць рэйды, падчас якіх нададуць асаблівую ўвагу дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках. Акрамя таго, на вакзалах і ў цягніках грамадзян дадаткова праінфармуюць пра меры бяспекі пры знаходжанні на аб’ектах чыгуначнага транспарту, правядуць тлумачальна-прафілактычную работу ў працоўных калектывах прадпрыемстваў і ва ўстановах адукацыі.

За 9 месяцаў года зафіксавана 69 выпадкаў невытворчага траўматызму, што на 8 выпадкаў менш за аналагічны перыяд мінулага года, колькасць пацярпелых непаўналетніх у гэтым годзе склала тры чалавекі (два чалавекі загінулі, адзін траўміраваны) супраць 6 у 2019 годзе, паведамляе прэс-цэнтр магістралі.

Падлеткі, знаходзячыся непасрэдна паблізу або на чыгуначных пуцях, не чуюць сігнал надыходзячага цягніка з-за праслухоўвання ў гэты час музыкі з дапамогай плэера ці мабільнага тэлефона ў навушніках. Жаданне зрабіць эфектнае «сэлфі» на небяспечных аб’ектах транспарту, перабяганне пуцей таксама прыводзяць да трагедыі.

Беларуская чыгунка заклікае грамадзян быць больш уважлівымі на аб’ектах чыгуначнага транспарту, берагчы не толькі сваё жыццё і здароўе, але і здароўе родных і блізкіх.

Сяргей РАСОЛЬКА

Прэв’ю: kubnews.ru

Выбар рэдакцыі

Культура

У Кіеве Уладзімір Караткевіч цудам выратаваўся ад аварыі і двойчы закахаўся

У Кіеве Уладзімір Караткевіч цудам выратаваўся ад аварыі і двойчы закахаўся

Горад, «дзе былі помнікі і прыгожыя будынкі, зялёныя бульвары і ціхія хаткі на ўскраінах, дзе быў нават універсітэт, а значыцца, існавала г

Грамадства

Прафесар Мiкалай Запрудскі: Вера ў дзiця — галоўны падарунак

Прафесар Мiкалай Запрудскі: Вера ў дзiця — галоўны падарунак

Для паспяховых школ характэрны клiмат высокiх чаканняў.

Грамадства

Гродзенец наводзiць парадак на зямлi i аднаўляе старажытны млын

Гродзенец наводзiць парадак на зямлi i аднаўляе старажытны млын

Гэтыя мясцiны Яўген Дарагуш памятае з дзяцiнства.

Спорт

Любоў Чаркашына: Мастацкая гiмнастыка — гэта цэлы свет

Любоў Чаркашына: Мастацкая гiмнастыка — гэта цэлы свет

Мастацкая гiмнастыка — гэта любоў. У выпадку з беларускай гiмнастыкай можна сказаць, што гэта яшчэ i Любоў Чаркашына.