Вы тут

Беларускiя мытнiкi затрымалi найбуйнейшую партыю наркотыку на беларуска-латвiйскай мяжы


Беларускiя мытнiкi затрымалi найбуйнейшую партыю гашышу, выяўленую за апошнiя дзесяць гадоў, паведамiлi ў Дзяржаўным мытным камiтэце.


Аб'ём партыi гашышу складаў 668 кiлаграмаў (3,3 мiльёна доз), агульны кошт якiх на чорным рынку складае каля 13,4 мiльёна долараў. «Партыя наркотыку была схаваная ў марскiм кантэйнеры, якi перамяшчаўся аўтамабiльным транспартам з Рыгi праз пункт пропуску «Урбаны» на беларуска-латвiйскай мяжы. Мытнiкi выявiлi злачынства з дапамогай сiстэмы кiравання рызыкамi, а таксама магчымасцяў iнспекцыйна-надгляднага комплексу i кiналагiчнай службы», — адзначылi ў ведамстве.

Паводле прадстаўленых кiроўцам, 44-гадовым грамадзянiнам Беларусi, дакументаў, у кантэйнеры да расiйскага атрымальнiка перамяшчалася партыя пестыцыдаў. Аднак падчас мытнага надгляду сярод бочак з таварам, якi ўвозiўся на законных падставах, былi выяўленыя скрынкi са спрасаваным рэчывам цёмна-карычневага колеру. Экспертыза, якая была праведзена ўпраўленнем ДКСЭ па Вiцебскай вобласцi, пацвердзiла — гэта гашыш.

Мытныя органы распачалi крымiнальную справу. Кiроўца транспартнага сродку затрыманы. Беларуская мытня ва ўзаемадзеяннi з МУС праводзiць далейшыя аператыўна-вышуковыя мерапрыемствы i следчыя дзеяннi, накiраваныя на ўстанаўленне i прыцягненне да адказнасцi ўсiх датычных.

Фота: customs.gov.by

Загаловак у газеце: Перахапiлi 668 кiлаграмаў гашышу

Выбар рэдакцыі

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.

Спорт

Дзмітрый Ходас: Воля, характар і любоў

Дзмітрый Ходас: Воля, характар і любоў

Як не быць алімпійскім чэмпіёнам, але быць героем спорту.