Вы тут

Другая па магутнасцi сонечная электрастанцыя будзе пабудавана ў Гродзенскай вобласцi


Праект бярэцца ажыццявiць новы рэзiдэнт СЭЗ «Гроднаiнвест» з Iрландыi. Прадпрыемства «Скайват» зарэгiстравана ў кастрычнiку гэтага года. Iнвестыцыйны праект прадугледжвае будаўнiцтва фотаэлектрычнай станцыi для энергетычнага забеспячэння рэзiдэнтаў СЭЗ.


Як расказалi ў адмiнiстрацыi СЭЗ, сетка фотаэлектрычнай станцыi будзе размеркавана на зямельных участках свабоднай эканамiчнай зоны. Агульная магутнасць комплексу звыш 12 МВт. Згодна з праектам, аб'ём iнвестыцый складзе больш за 5 мiльёнаў еўра. У склад комплексу ўваходзяць дзясяткi тысяч фотаэлектрычных панэляў з акумулятарамi, дзе назапашваецца сонечная энергiя.

Гэта другая па магутнасцi сонечная станцыя ў Гродзенскай вобласцi. Па iнфармацыi Гродзенскага абласнога ўпраўлення па наглядзе за рацыянальным выкарыстаннем палiўна-энергетычных рэсурсаў Дэпартамента па энергаэфектыўнасцi РБ, у Смаргонскiм раёне дзейнiчае фотаэлектрастанцыя, магутнасць якой складае амаль 18 МВт. А ўсяго ў рэгiёне 16 электрастанцый, якiя працуюць ад сонечнай энергii. З пачатку года iмi атрымана 27 мiльёнаў кВт электраэнергii. Невялiкiя станцыi функцыянуюць на тэрыторыi некаторых беларускiх прадпрыемстваў.

Праз некалькi гадоў «зялёную» электраэнергiю змогуць атрымаць i спажыўцы iрландскага рэзiдэнта СЭЗ «Гроднаiнвест». Падлiчана, што ўвод станцыi дазволiць прадпрыемствам знiзiць сабекошт прадукцыi. У адмiнiстрацыi СЭЗ падкрэслiлi, што гэта важна i для развiцця кааперацыйных сувязяў з мiжнароднымi канцэрнамi, якiя скiраваны на пашырэнне выкарыстання энергii з аднаўляльных крынiц.

Трэба сказаць, што iрландскiя кампанii з аналагiчнымi праектамi прыйшлi не толькi ў Гродна. Сёлета iнвестары маюць намер будаваць такiя станцыi i ў iншых СЭЗ, у прыватнасцi Вiцебску i Брэсце. Праўда, iх магутнасцi меншыя.

Маргарыта Ушкевiч, фота дадзена СЭЗ «Гроднаiнвест»

Загаловак у газеце: Панэль для фатонаў

Выбар рэдакцыі

Культура

У Кіеве Уладзімір Караткевіч цудам выратаваўся ад аварыі і двойчы закахаўся

У Кіеве Уладзімір Караткевіч цудам выратаваўся ад аварыі і двойчы закахаўся

Горад, «дзе былі помнікі і прыгожыя будынкі, зялёныя бульвары і ціхія хаткі на ўскраінах, дзе быў нават універсітэт, а значыцца, існавала г

Грамадства

Прафесар Мiкалай Запрудскі: Вера ў дзiця — галоўны падарунак

Прафесар Мiкалай Запрудскі: Вера ў дзiця — галоўны падарунак

Для паспяховых школ характэрны клiмат высокiх чаканняў.

Грамадства

Гродзенец наводзiць парадак на зямлi i аднаўляе старажытны млын

Гродзенец наводзiць парадак на зямлi i аднаўляе старажытны млын

Гэтыя мясцiны Яўген Дарагуш памятае з дзяцiнства.

Спорт

Любоў Чаркашына: Мастацкая гiмнастыка — гэта цэлы свет

Любоў Чаркашына: Мастацкая гiмнастыка — гэта цэлы свет

Мастацкая гiмнастыка — гэта любоў. У выпадку з беларускай гiмнастыкай можна сказаць, што гэта яшчэ i Любоў Чаркашына.