Вы тут

Тэрмін дзеяння даведак і дакументаў юрыдычных і фізічных асоб, калі ён скончыўся, падоўжаны на паўгода


Прэзідэнт Беларусі Аляксандр Лукашэнка 25 лістапада падпісаў указ № 442 «Аб прадаўжэнні тэрміну дзеяння дакументаў», якім на 6 месяцаў падаўжаецца тэрмін дзеяння даведак юрыдычных і фізічных асоб, калі яны мінаюць з 10 лістапада 2020 года па 10 мая 2021 года. Пра гэта БЕЛТА паведамілі ў прэс-службе кіраўніка дзяржавы.


Напрыклад, калі тэрмін дзеяння дазволу мінае 1 снежня гэтага года, то ён працягваецца аўтаматычна да 1 чэрвеня 2021 года.

Пастановай Савета Міністраў будуць вызначаны вычарпальны пералік дакументаў, тэрмін дзеяння якіх падаўжаецца, і найменняў адміністрацыйных працэдур, пры ажыццяўленні якіх такія дакументы былі выдадзены. Чакаецца, што ў пералік увойдуць працэдуры выдачы медыцынскай даведкі аб стане здароўя, пашпарты грамадзяніна, пасведчанні кіроўцы і многія іншыя дакументы.

Аналагічны падыход ужо прымяняўся і добра сябе зарэкамендаваў у першую хвалю пандэміі. Так, згодна з указам № 172 ад 19 мая гэтага года дазволы і іншыя дакументы, тэрмін дзеяння якіх скончыўся з 30 красавіка па 31 ліпеня гэтага года, аўтаматычна падаўжаліся на 3 месяцы.

У перыяд складанай эпідэмічнай абстаноўкі дадзеныя меры дазволяць скараціць колькасць наведванняў дзяржаўных органаў для афармлення неабходных дакументаў, знізіць адміністрацыйную нагрузку на грамадзян і суб’екты гаспадарання.

Прэв’ю: klich.by

Выбар рэдакцыі

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.

Эканоміка

Разбіраем інвестпраграму Мінска на бягучы год

Разбіраем інвестпраграму Мінска на бягучы год

Яна ў гэтым годзе на 20 % «таннейшая», чым у папярэднім.