У дзень першага летапіснага згадвання пра Мінск, 3 сакавіка, зладзяць святочны вечар у ратушы, паведамілі агенцтву «Мінск-Навіны» ў Музеі гісторыі горада Мінска.
Асабістымі ўспамінамі і гісторыямі аб любімых месцах сталіцы падзеляцца мастацтвазнаўца Сяргей Харэўскі, археолаг Сяргей Тарасаў і гісторык Андрэй Кіштымаў.
Сяргей Харэўскі распавядзе, чым яму блізкія вул. Пуліхава, прадмесце Кашары, Ракаўскае прадмесце, а таксама сучасная Лошыца.
Разам з Андрэем Кыштымавым госці вечара зробяць віртуальнае падарожжа ад вул. Даўгабродскай да Зялёнага Луга, зазірнуць і ў старую Лошыцу. Сяргей Тарасаў раскажа пра вуліцы свайго дзяцінства Чырвоную і Кісялёва, падзеліцца ўспамінамі аб плошчы Якуба Коласа і ўтульнай Асмалоўцы.
Урачыстую атмасферу на сустрэчы створаць вучні Рэспубліканскай гімназіі-каледжа пры Беларускай дзяржаўнай акадэміі музыкі.
Пачатак лекцый у 18:00. Уваход па квітку.
Прэв’ю: МН
Сумесныя праекты ядзерных тэхналогій.