Зменены парадак запаўнення і тэрмін дзеяння медыцынскіх даведак. Гэта прадугледжана пастановай Міністэрства аховы здароўя ад 29 сакавіка 2021 года №22, паведамляе Міністэрства аховы здароўя.
Унесены змены ў інструкцыю аб парадку запаўнення формы 1 здр/у-10 «Медыцынская даведка аб стане здароўя» і формы 1 мед/у-10 «Выпіска з медыцынскіх дакументаў».
Дакументам павялічаны тэрміны дзеяння медыцынскіх даведак аб стане здароўя, якія пацвярджаюць адсутнасць (наяўнасць) захворванняў, якія перашкаджаюць працы з дзяржаўнымі сакрэтамі, і медыцынскіх даведак, неабходных для таго, каб мець права валодання зброяй. Цяпер гэтыя тэрміны складаюць 6 месяцаў і 1 год адпаведна, новыя патрабаванні прадугледжваюць павелічэнне гэтых тэрмінаў да 5 гадоў.
Выключаны патрабаванні ўказваць дадатковыя медыцынскія звесткі (вынікі медаглядаў, абследаванняў, звестак аб прафілактычных прышчэпках і інш.) пры выдачы меддаведак пра стан здароўя кандыдата ва ўсынавіцелі, прыёмныя бацькі, бацькі-выхавальнікі дзіцячага дома сямейнага тыпу, дзiцячай вёскi (гарадка), апекуны і папячыцелі. Таксама гэта тычыцца медыцынскіх даведак аб стане здароўя для абітурыентаў, якія паступаюць ва ўстановы вышэйшай, сярэдняй спецыяльнай і прафесійна-тэхнічнай адукацыі і якія навучаюцца ў гэтых установах адукацыі.
Змены ўступаюць у сілу пасля афіцыйнага апублікавання пастановы.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.