«Гомельтранснафта Дружба» правяла рамонт участка магістралі Унеча-Мазыр

Спецыялісты ААТ «Гомельтранснафта Дружба» правялі рамонт і падключэнне ўчасткаў магістральнага нафтаправода Унеча-Мазыр, паведамілі на прадпрыемстве.

Рамонт праводзіўся на 159-м і 181-м км нафтаправода DN800. Тут было ўстаноўлена абсталяванне для водапаніжэння грунтавых вод. «Участкі, што рамантуюцца, вызвалілі ад нафты, сыравіну перапампавалі ў нафтаправод Унеча-Мазыр DN1000. Мантаж новых секцый з падключэннем да дзеючага нафтаправода выканалі спецыялісты НПС «Гомель» і ЛВДС «Мазыр», — расказалі ў «Гомельтранснафце Дружба».

Пасля праверкі зварных злучэнняў метадамі неразбуральнага кантролю ўчасткі трубаправода запоўнены нафтай. Тэхналагічная схема прыведзена ў зыходны стан. Вуглевадародная сыравіна транспартуецца ў штатным рэжыме.

Прэв'ю: БЕЛТА