Вы тут

Пачаўся чэмпіянат свету па скачках на батуце


З 18 па 21 лістапада ў Баку адбудзецца 35-ы чэмпіянат свету па скачках на батуце і акрабатычнай сцежцы. У сталіцы Азербайджана выступіць і каманда Беларусі, з якой ужо звязаная сенсацыя. Але аб усім па парадку.


Прадстаўляць Беларусь будзе алімпійскі чэмпіён Токіа — Іван Літвіновіч. Гэты спартсмен не стамляецца радаваць усіх сваімі медалямі. У 2019 годзе на чэмпіянаце свету ў Токіа ён заваяваў «золата» ў камандным заліку і «серабро» ў індывідуальным. На чэмпіянаце Еўропы 2020 стаў чэмпіёнам кантыненту ў камандным заліку. Мужчынская частка спаборніцтваў абяцае быць цікавай. Кампанію Івану складзе Алег Рабцаў, чэмпіён Еўропы ў камандным заліку, вопытны спартсмен.

На гэтым чэмпіянаце свету на батут вернецца вядомая спартсменка, чэмпіёнка свету-2017, чэмпіёнка Еўропы-2012 Таццяна Пятрэнка. З 2004 і 2016 гадоў яны выступіла на чатырох Алімпійскіх гульнях. У верасні 2019 году яна нарадзіла сына і цяпер вырашыла аднавіць спартыўную кар’еру. На планетарным першынстве ў Баку яна будзе старэйшай удзельніцай.

«Я вярнулася па мностве прычын. Гэта мая любоў да спорту, страсць да руху. Мне вельмі падабаецца тое, што я раблю. Я вялікі аматар гэтага віду спорту. Акрамя таго, я хачу ўбачыць, чаго можна дасягнуць. Калі я займаюся спортам, я адчуваю паўнату жыцця. Для мяне спорт — дзівоснае падарожжа, ён прыносіць у маё жыццё «вау моманты», — адзначыла Таццяна ў інтэрв’ю афіцыйнаму сайту Міжнароднай федэрацыі гімнастыкі.

У Баку з-за праблем са здароўем не змог адправіцца чэмпіён Рыа-2016 Уладзіслаў Ганчароў, у выязным складзе таксама шмат маладых спартсменаў, якія пастараюцца на сусветным форуме праявіць свае лепшыя якасці.


Расклад спаборніцтваў

Чацвер, 18 лістапада

Кваліфікацыя:

  • 11:00 - 19:00 батут, мужчыны
  • 12:00 - 19:00 батут, жанчыны

Пятніца, 19 лістапада

Кваліфікацыя:

  • 12:00 – 15:00 сінхронныя скачкі/акрабатычная дарожка, мужчыны

Камандныя фіналы:

  • 20:30 – 21:05 батут, жанчыны
  • 21:10 – 21:25 батут, мужчыны

Субота, 20 лістапада

Паўфіналы:

  • 15:00 – 16:45 батут, мужчыны і жанчыны

Фіналы:

  • 19:25 – 19:50 сінхронныя скачкі, жанчыны
  • 19:55 – 20:20 сінхронныя скачкі, мужчыны

Нядзеля, 21 лістапада

Фіналы:

  • 16:25 – 16:55 батут, жанчыны
  • 17:00 - 17:30 батут, мужчыны
  • 18:00 – 19:25 каманднае мнагабор'е

Валерыя СЦЯЦКО

Выбар рэдакцыі

Палітыка

Крызіс на мяжы. Уся аператыўная інфармацыя на панядзелак (абнаўляецца)

Крызіс на мяжы. Уся аператыўная інфармацыя на панядзелак (абнаўляецца)

Аператыўная інфармацыя з беларуска-польскай мяжы.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.