Вы тут

У Магілёве праходзяць «Сіманаўскія чытанні»


На працягу тыдня ва ўстановах адукацыі і культуры абласнога цэнтра ладзяцца конкурсы, экскурсіі, акцыі, інфармацыйныя часы, выстаўкі, чытанні ў рэжыме афлайн і анлайн, праводзяцца літаратурна-музычныя імпрэзы і квіз-туры, прысвечаныя Канстанціну Сіманаву і 80-годдзю абароны Магілёва. У рамках тыдня была прэзентаваная ўнікальная інтэрактыўная карта «Там ішлі баі ў далёкім 1941-м...».


Фота: mogilove.by

— На жаль, у нас мала дзіцячай літаратуры пра Магілёў, — адзначыла адна з распрацоўшчыкаў праекта, супрацоўніца дзіцячай бібліятэкі-філіяла імя А. Пушкіна Ірына Баранава. — Ёсць навукова-папулярныя , даследчыя кнігі. Але яны разлічаны на больш дарослую аўдыторыю. Таму, ствараючы гэты праект, мы імкнуліся ў даходлівай форме паказаць дзецям гераічную абарону Магілёва.

Ірына Баранава адзначыла, што пры стварэнні карты ўлічвалася дакладная інфармацыя такіх аўтарытэтных магілёўскіх гісторыкаў, як Мікалай Барысенка, Ігар Пушкін. 

Заўтра ў Магілёве адбудуцца фінальныя мерапрыемствы «сіманаўскага» тыдня. Яны пачнуцца з ускладання кветак да памятнага каменя Канстанціну Сіманаву на Буйніцкім полі. У гэты ж дзень у Магілёўскім прафесійным агралесатэхнічным каледжы імя К. П. Арлоўскага пройдзе ўзнагароджанне ўдзельнікаў літаратурных конкурсаў, прысвечаных памяці Канстанціна Сіманава, і будзе арганізаваная экскурсія па музеі ў гонар пісьменніка. А ў МДУ імя А. Куляшова за круглым сталом збяруцца ў фармаце відэаканферэнцыі пісьменнікі Беларусі і Расіі.

Арганізатарамі «Сіманаўскіх чытанняў» з’яўляюцца Магілёўская гарадская арганізацыя «Рускае таварыства», Магілёўскае абласное аддзяленне Саюза пісьменнікаў Беларусі, Магілёўскае гарадское аб’яднанне «Рускае культурнае асветніцкае таварыства», Магілёўскі гарвыканкам.

Нэлі ЗІГУЛЯ

Выбар рэдакцыі

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.