Праект, дарэчы першы ў рэгіёнах Беларусі, мае культурна-асветніцкі напрамак: яго рэалізацыя дасць магчымасць децям і моладзі займацца сучаснымі накірункамі мадэлінга, цырульнага мастацтва, візажа, фотапазіравання, этыкета і сцэнічнага майстэрства.
Ідэя праекта з’явілася ў ходзе сустрэчы раённых уладаў з дырэктарам Нацыянальнай школы прыгажосці Бажэнай Ярэміч. Па словах намесніка старшыні Воранаўскага райвыканкама Андрэя Карповіча, спантанная прапанова літаральна за тры месяцы ўвасобілася ў жыццё. Значную дапамогу ў рэалізацыі аказалі мясцовыя ўлады і спонсары. «Школа прыгажосці ўнясе новы каларыт у жыццё раёна. Дзеці змогуць па-новаму праявіць сябе, з’явіцца магчымасць дапаўняльнай адукацыі для моладзі», — упэўнены Андрэй Карповіч.
Філіял будзе дзейнічаць на базе Воранаўскай дзіцячай школы мастацтваў. Як расказала адміністратар тэрытарыяльнага аддзялення Школы прыгажосці Наталля Вашкевіч, сваё жаданне вучыцца ў школе выказалі 50 дзяцей ва ўзросце ад 6 да 16 год — дзяўчынкі і хлопчыкі. Будзе сфарміравана некалькі ўзроставых груп. Прычым, дзеці набраныя не толькі з Воранаўскага раёна, але і з Ліды. Таму школу ўжо зараз можна лічыць рэгіянальнай.
Для далейшай работы вызначаны штат выкладчыкаў з шасці чалавек (прафесійныя харэографы, дыпламаваныя спецыялісты, нават арт-псіхолаг). Усе яны прайшлі стажыроўку ў Нацыянальнай школе прыгажосці ў Мінску.
Абсталяванне таксама адпаведнае: акустычныя музычныя сістэмы, мультымедыйный праектар, спецыяльныя люстэркі, сталы для візажыстаў. Асаблівы гонар філіяла — прафесійны мадэльны подыум. У школе будуць праходзіць не толькі тэарэтычныя, але і практычныя заняткі. Рэгіён невыпадкова абраны ў якасці такога «пробнага шара». З тэхнічнай кропкі гледжання тут створаны ўсе ўмовы для далейшага развіцця прыгожага мадэльнага кірунку.
— Мы скіраваны на тое, каб спрабаваць нешта новае, — зазначыла Наталля Вашкевіч. — Гэтага хочуць і дзеці, і выкладчыкі. Пачынаем, можна сказаць, з нуля. Аднак марым пра тое, каб нашы дзеці мелі высокія вынікі не толькі на мясцовых паказах, але і на сталічным подыуме.
Маргарыта УШКЕВІЧ
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.