Вы тут

Касцюм паненкі і лялькі-абярэгі: у Віцебску адкрыецца выстаўка вырабаў народных майстроў Дзісны


У Віцебскім абласным метадычным цэнтры народнай творчасці 27 мая адкрыецца выстаўка майстроў Дзісненскага гарадскога дома рамёстваў, паведамілі БелТА ва ўстанове культуры.


Выстаўка стала часткай арт-праекта «Захавальнікі народных рамёстваў». Гледачы змогуць убачыць сярод экспанатаў вырабы, выкананыя ў тэхніцы мастацкай разьбы па дрэве, у тым ліку драўляныя свістулькі і лыжкі. Увазе наведвальнікаў будуць прапанаваны вырабы ў тэхніцы абрэзкавага шыцця, а таксама лялькі спрадвечна дзісненскай зямлі, лялькі-абярэгі, аб’ёмныя вянкі. Сярод абярэжнай атрыбутыкі вылучаюцца абярэгі ў выглядзе конікаў і падкоў. Такія вырабы прадстаўлены і ў якасці сувенірнай прадукцыі.

Дзісненскія майстры шмат працуюць з тканінай. У экспазіцыі таксама будуць прадстаўлены розныя інсталяцыі, вязаныя і тканыя палавічкі, з якіх народныя ўмельцы складаюць цэлыя кампазіцыі.

Асаблівая мадэль на выстаўцы — традыцыйны святочны касцюм дзісненскага краю. Дырэктар АМЦНТ Кацярына Лабука расказала, што гэта першы ў вобласці цэльны рэканструяваны народны касцюм. Майстар Дзісненскага гарадскога дома рамёстваў Алёна Балаш аднавіла яго па адной з энцыклапедый, якія расказваюць пра беларускі народны строй. Гэта была карпатлівая і складаная работа, паколькі ў выданні не было ні падрабязных схем, ні выкраек і даводзілася арыентавацца толькі на прыведзеныя малюнкі. Паводле ацэнкі спецыялістаў, у выніку атрымаўся вельмі блізкі да арыгінала касцюм паненкі. Гэты ўмела выраблены ансамбль дапоўнены тканым уручную поясам.

Выстаўка адкрыецца ў 15.00. Жадаючыя азнаёміцца з тэрытарыяльнымі асаблівасцямі народных рамёстваў дзісненскай зямлі змогуць наведаць экспазіцыю да 15 чэрвеня.

Прэв’ю: БелТА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. У першай палове тыдня будзеце актыўна вучыцца новаму і размаўляць з людзьмі. У сярэдзіне тыдня можа змяніцца настрой, з'явіцца дакладнае разуменне сваіх мэт.

Калейдаскоп

«I гэты чалавек застаўся жыць...» Медыкі ў беларускай літаратуры. Тэст

«I гэты чалавек застаўся жыць...» Медыкі ў беларускай літаратуры. Тэст

Кожную трэцюю нядзелю червеня адзначаецца Дзень медыцынскага работніка.