Беларускае тэлебачанне зрабіла значны крок наперад. Пра гэта заявіў сёння журналістам першы намеснік міністра інфармацыі Андрэй Кунцэвіч на ўрачыстай цырымоніі абвяшчэння вынікаў і ўзнагароджання лаўрэатаў XIV Нацыянальнага тэлевізійнага конкурсу «Тэлевяршыня», перадае БелТА.
«З 2017-га прайшло шмат часу. Як адзначаюць многія медыяэксперты, беларускае тэлебачанне зрабіла значны крок наперад. Зразумела, што да гэтага нашых калегаў з тэлеканалаў падштурхнула хутка зменлівае жыццё і тыя бурныя падзеі, якія адбываюцца як у нас у краіне, так і за яе межамі. Час выстаўляе новыя патрабаванні да ўзроўню, якасці працы тэлевізіёншчыкаў. Я шчыра рады, што нашы дзяржаўныя тэлеканалы адпавядаюць сённяшнім выклікам часу», — сказаў Андрэй Кунцэвіч.
На яго думку, час паказаў, што сёння ў цане пазіцыя — журналіста, грамадзяніна, патрыёта. «Адштурхваючыся ад гэтага разумення, ролі журналіста ў нашым жыцці, можна далей будаваць нейкія вытворчыя алгарытмы, распрацоўваць канцэпцыі новых праектаў і рухаць нашу краіну наперад», — адзначыў першы намеснік міністра.
«Асабліва прыемна, што сярод сённяшніх лаўрэатаў шмат прадстаўнікоў рэгіянальных тэлеканалаў. Пры абмеркаванні з членамі журы мы адзначалі для сябе, што больш за палову работ прадстаўлена менавіта рэгіянальнымі тэлекампаніямі. Узровень прадстаўленых работ сведчыць, што якасць журналістыкі ў нас вырасла не толькі на ўзроўні рэспублікі, але і ў тым ліку на перыферыі», — дадаў Андрэй Кунцэвіч.
Міністэрства інфармацыі 6 мая абвясціла старт прыёму заявак на ХIV нацыянальны тэлевізійны конкурс «Тэлевяршыня». Яны прымаліся да 17 мая. Усяго на конкурс паступіла 224 заяўкі, з рэгіянальных СМІ — 107.
Фота БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
