9 ліпеня ў аграгарадку Александрыя Шклоўскага раёна Магілёўскай вобласці прайшло рэспубліканскае свята «Купалле» («Александрыя збірае сяброў») з удзелам усіх рэгіёнаў краіны, дэлегацый Казахстана, Таджыкістана, трынаццаці суб’ектаў Расіі.
З адкрыццём свята павіншавалі прысутных намеснік прэм’ер-міністра Беларусі Ігар Петрышэнка, старшыня Магілёўскага аблвыканкама Анатоль Ісачанка.
У аснове сцэнарыя цырымоніі адкрыцця знайшлі адлюстраванне фальклорныя традыцыі, абрады, звычаі беларускага народнага календара. Асноўная ідэя — паказаць беражлівыя і паважлівае стаўленне беларусаў да гістарычнай памяці, сваёй Радзімы.
Тэматычныя канцэртныя праграмы прайшлі на дзвюх сцэнічных пляцоўках, а таксама сцэнічным подыуме выставы-кірмашу «Кола жыцця».
У адным з павільёнаў была арганізавана выстава літаратуры беларускіх пісьменнікаў, на якой усе жадаючыя змаглі набыць кнігі з аўтографамі аўтараў — членаў Саюза пісьменнікаў Беларусі.
Увагу гасцей свята прыцягнулі і дэманстрацыйныя палёты самалётаў Магілёўскага аэраклуба ДОСАФ ім. А. М. Кулагіна, падчас якіх парашутыст разгарнуў над Александрыяй палотнішча Дзяржаўнага флага Рэспублікі Беларусь.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
