Напярэдадні доўгачаканых зімовых свят і Раства Хрыстова тэлеканал «Беларусь 2» парадаваў сваю аўдыторыю падарункамі. Сярод іх і тое, што цяпер любімыя маладзёжныя праекты «Уключайся!» і «ПІН_КОД» выходзяць у эфір з мадэрнізаванай тэлестудыі.
Кожны будны дзень гледачы сямейнага тэлеканала распачынаюць у кампаніі вядучых Арцёма Сямёна і Жана Сянкевіча, Марыі Хрусталёвай і Германа Малышыцкага. Агляды музычных навінак і кінапрэм'ер, цёплыя сустрэчы з цікавымі гасцямі і толькі добрыя навіны, правераныя рэцэпты карысных сняданкаў ад шэф-кухараў і найлепшыя мультфільмы чакаюць кожнага ў эфіры з 6 да 10 раніцы. Акрамя гэтага, журналісты шоу «Уключайся!» не стамляюцца эксперыментаваць з напаўненнем кожнага выпуску і прапаноўваюць нам аўтарскія рубрыкі аб мастацтве і шэдэўрах са збору беларускіх музеяў, карысныя парады для аматараў жывёл і карыстальнікаў гаджэтаў.
І цяпер зарадка для розуму і вачэй праходзіць у яшчэ больш утульнай атмасферы, таму што дызайнеры прыўнеслі ў кадр пастэльныя тоны і свежыя візуальныя рашэнні, а ў якасці элементаў дэкарацый выкарысталі жывыя расліны. У выніку рабочая прастора студыі павялічылася, а значыць, стала больш шырокай і прастора для фантазій і крэатыўных ідэй каманды ранішняга шоу. Пры гэтым нязменным застаўся па-ранейшаму рэцэпт бадзёрай і вясёлай раніцы ад праекта «Уключайся!» на тэлеканале «Беларусь 2».
Алена ДРАПКО
Прэв’ю: pexels.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
