Маршрутка без пасажыраў на МКАД апынулася ў кювеце

Маршрутка без пасажыраў на МКАД апынулася ў кювеце, паведамляе УДАІ ГУУС Мінгарвыканкама.

Паводле папярэдняй інфармацыі, сёння ў 7.05 53-гадовы кіроўца маршрутнага таксі Mercedes у раёне 1-га км знешняга кальца МКАД не справіўся з кіраваннем і выехаў за межы праезнай часткі.

У аварыі пацярпелых няма. Паведамляецца, што ў салоне быў толькі кіроўца. На месца выязджалі супрацоўнікі аддзела ДАІ Першамайскага РУУС Мінска і брыгада хуткай дапамогі.

Фота: УДАІ ГУУС Мінгарвыканкама