З 20 па 30 красавіка ў культурным духоўна-асветніцкім цэнтры «Каўчэг» праходзіць праваслаўны фестываль «Радасць».
Фестываль «Радасць» — унікальная магчымасць убачыць прадстаўніцтвы некалькіх дзясяткаў манастыроў. Удзельнікі выставы-кірмашу прыехалі з розных краін. Тут ёсць магчымасць пазнаёміцца з гісторыяй і прадукцыяй праваслаўных манастыроў і храмаў Грэцыі, Босніі і Герцагавіны, Расіі, Сербіі, Палестыны, Сірыі.
У праграме фестывалю: гутаркі, канцэрты, кінапаказы, сустрэчы з цікавымі людзьмі.
Для дзяцей — батлейка, вячэрнія чытанні для дзяцей, спектаклі, майстар-класы «Домік для велікоднага яйка», «Велікодная бірулька», «Лепім велікодныя каралі», «Велікодны анёлак», «Гатуем папяровы куліч» і многія іншыя.
Выстава «Музыка Вялікадня» знаёміць наведвальнікаў з малюнкамі дзяцей, якія праходзяць лячэнне ў Рэспубліканскім навукова-практычным цэнтры дзіцячай анкалогіі, гематалогіі і імуналогіі.
23 красавіка адбылося адкрыццё выставы мастачкі Людмілы Матвеенка «Рукою Божьей водимая художника рука». На рахунку майстра чатыры персанальныя выставы, а таксама ўдзел у сталічных культурных праектах. У музычнай гасцінай цэнтра прайшла спеўка дзіцяча-юнацкага хору Свята-Елісавецінскага манастыра, а на сцэне для канцэртаў — аўтар-выканаўца Яна Лютарэвіч падарыла слухачам свае песні.
Віктар ІВАНЧЫКАЎ
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
