Мужчына з Марса, жанчына — з Венеры. Мы як быццам з розных планет. Тым не менш гэтыя адрозненні прыцягваюць нас адзін да аднаго. Але насамрэч кожнай жанчыне неабходна ведаць асаблівасці мужчынскай псіхалогіі, каб палепшыць адносіны і ўмацаваць каханне.
Казаць аб пачуццях для мужчыны стрэс. Мужчыны не ўмеюць апісваць свае адчуванні. З-за таго, што сувязь паміж правым паўшар’ем, якое адказвае за эмоцыі, і левым, якое кіруе гаворкай, слабая, мужчыны не ўмеюць расказваць пра пачуцці так каларытна, як гэта робяць жанчыны. У сучаснай культуры лічыцца, што паказваць свае эмоцыі для мужчыны — прыкмета слабасці. Ды і ўвогуле казаць аб пачуццях — не мужчынская справа. Таму нядзіўна, што такія размовы заводзяць іх у тупік. Мужчыны стрымліваюць і душаць усе пачуцці, акрамя тых, якія прынята ўхваляць у грамадстве.
Чым адрозніваюцца жаночыя эмоцыі ад мужчынскіх? Яны больш рухомыя, для іх характэрна бурная праява пачуццяў і хуткая змена настрою. Жанчыны нашмат больш эмацыйныя за мужчын. Яны прасцей выказваюць свае пачуцці вострымі рэакцыямі: смехам або слязамі.
Мужчыны і жанчыны ўспрымаюць свет па-рознаму. Мужчыны схільныя да прамалінейнасці і лагічнага мыслення, у той час як у жанчын больш развіта пачуццё інтуіцыі і эмпатыі. Жыццё жанчын сапраўды стала б прасцей, калі б яны казалі ўсё наўпрост і перасталі выкарыстоўваць намёкі. Мужчынскі мозг уладкаваны так, што ён прымае сказанае за чыстую манету і не здольны здагадвацца.
Мужчынам важная падтрымка. Часам дастаткова проста патрымаць за руку і, паверце: гэта дапамагае. Мужчына хоча чуць ад жанчыны: «Дарагі, я шаную тое, што ты робіш для мяне і дзяцей». Бо сапраўды, што б ён ні рабіў, якіх бы вышынь ні дасягаў, усё гэта ён робіць у асноўным для вас. Але яму аднаму трэба значна менш. Падтрымлівайце свайго абранніка, і вынік не прымусіць сябе доўга чакаць.
У мужчын рэгулярна здараюцца «крытычныя дні». Прычына — гарманальныя ваганні, якія ўплываюць як на лібіда, так і на агульны стан, на эмоцыі. У гэты час мужчыны схільныя раздражняцца па дробязях. Навукоўцы мяркуюць, што перыядычнасць мужчынскіх істэрык складае ад 23 да 33 дзён.
Так званая «андропауза» праходзіць не так інтэнсіўна, як менапаўза ў жанчын, але ад яе ўсё роўна нікуды не падзецца. Узровень тэстастэрону з гадамі зніжаецца (пасля 50 гадоў ён падае як мінімум на 10-20%). Сімптомы: паслабленне памяці і ўвагі, праблемы з эрэкцыяй і лібіда, падвышаная патлівасць. Самая эфектыўная тэрапія — сэкс і спорт.
У мужчын і жанчын розны гарманальны баланс. Мужчыны вырабляюць у 10 разоў больш тэстастэрону, што ўплывае на іх фізічныя і эмацыйныя характарыстыкі. Дух суперніцтва, бясстрашнасці і няспыннасці ў жаданні дасягнуць мэты робяць мужчыну мужнымі. У жанчын жа больш эстрагену, што дае ім больш жаноцкі вобраз. Схільнасць суперажываць, праяўляць пяшчоту і чуласць.
Шматзадачнасць не для мужчын. Даследаванне выявіла, што жанчыны ў большай ступені (49%), чым мужчыны (39%), схільныя да шматзадачнасці. Мужчынскі мозг марнуе больш энергіі на пераключэнне з адной задачы на іншую. Для мужчынскага мозгу характэрна канцэнтравацца на адной задачы, самай галоўнай. Жанчыны ж адначасова здольныя выконваць некалькі спраў: размаўляць па тэлефоне, гатаваць ежу, правяраць дамашняе заданне ў дзяцей, магчыма, і наводзіць макіяж.
Дарэчы, большасць мужчын сапраўды ставяцца да сваёй знешнасці менш крытычна, чым жанчыны. Нават калі яны ведаюць, што валодаюць некалькімі лішнімі кілаграмамі, расставацца з імі не спяшаюцца. Гэта зусім не ўплывае на іх самаацэнку. Ім не ўласціва мяняцца дзеля таго, каб падабацца навакольным.
Некалькі фактаў аб мужчынах:
Псіхолаг Алена ШАЎЧЭНКА
Фота: pexels.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
