II Гульні краін СНД — гэта сапраўды маштабная спартыўная падзея не толькі для краін Садружнасці Незалежных Дзяржаў, але і для ўсяго міжнароднага спорту. Удзел у міжнародных спаборніцтвах прынялі спартсмены Садружнасці, а таксама прадстаўнікі больш як 20 краін.Такім меркаваннем падзяліўся член Савета Рэспублікі Сяргей Рачкоў.
Сенатар адзначыў, што Беларусь мае сур’ёзны аўтарытэт у СНД, як палітычны і эканамічны, так і спартыўны. Вынікі Гульняў, як яны праходзілі, пры якім энтузіязме, з перапоўненымі трыбунамі, — усё гэта сведчыць аб тым, што наша краіна не толькі ўмее арганізоўваць маштабныя спартыўныя мерапрыемствы, але і валодае высокім аўтарытэтам у спартыўным свеце.
«Ніякі санкцыйны ціск, спробы абмежаваць магчымасць удзелу нашых спартсменаў у міжнародных спаборніцтвах не будуць паспяховымі, таму што ў нас велізарны патэнцыял. І гульні яшчэ раз пацвердзілі гэта», — адзначыў Сяргей Рачкоў.
Рэспубліка Беларусь заняла ў агульным заліку другое месца. Хацелася б звярнуць увагу на велізарную колькасць бронзавых медалёў. У беларускіх спартсменаў шмат і залатых медалёў, яны адсталі толькі ад зборнай Расійскай Федэрацыі. Тым не менш задача стаіць, каб Беларусы даганялі расійскіх спатсменаў. «Гэта кажа пра тое, што ў нас велізарны патэнцыял, і неабходна бронзавыя медалі „пераплаўляць“ у залатыя», — падзяліўся сваім меркаваннем член Савета Рэспублікі.
Беларусь заўсёды падтрымлівала развіццё спорту, актыўна працуем па гэтай тэме ў ААН: «Рэспубліка Беларусь падтрымала шэраг рэзалюцый Генеральнай Асамблеі ААН па развіцці спорту, у тым ліку рэзалюцыю, звязаную з уплывам спорту на забеспячэнне ўстойлівага развіцця. У 2013 годзе мы сталі спонсарамі рэзалюцыі аб зацвярджэнні Міжнароднага дня спорту на карысць міру і развіцця. Гэта найважнейшая ініцыятыва Рэспублікі Беларусь, якая сведчыць, што Рэспубліка Беларусь не ізаляваная ў сусветнай супольнасці».
Сяргей Рачкоў падкрэсліў, што трыўмфальнае правядзенне II Гульняў краін СНД — сведчанне таго, што не можа ісці гаворкі пра міжнародную ізаляцыю нашай краіны. Гульні — значны ўклад у міжнародны спартыўны рух, уключаючы пазіцыянаванне нашай краіны на міжнароднай арэне.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».