Упершыню ў адным страі клятву на вернасць Радзіме і беларускаму народу вымавілі курсанты Акадэміі МУС і Магілёўскага інстытута МУС, навучэнцы Ліцэя МУС. Урачысты рытуал прыняцця Прысягі адбыўся на плошчы Дзяржаўнага сцяга.
Сімвалічна, што ў такі знакавы дзень курсанты і ліцэісты сталі сведкамі не менш урачыстай цырымоніі — ушанавання сцяга Міністэрства ўнутраных спраў, якую правёў кіраўнік міліцэйскага ведамства Іван Кубракоў.
7 жніўня Прэзідэнт падпісаў указ аб афіцыйных геральдычных сімвалах Міністэрства ўнутраных спраў, якім заснаваны эмблема і сцяг ведамства. Курсанты і ліцэісты вымавілі клятву вернасці сімвалу добрасумленнага выканання службовага абавязку. Сцяг будзе падымацца на ўсіх дзяржаўных і культурна-патрыятычных мерапрыемствах МУС.
Іван Кубракоў выказаў маладым людзям удзячнасць за выбар прафесіі. «Вы цудоўна разумееце, што прафесія супрацоўніка міліцыі нялёгкая, часам яна звязана з рызыкай для жыцця, — заўважыў кіраўнік міліцэйскага ведамства. — Але, нягледзячы ні на што, вы выбралі гэтую прафесію. Я хачу сказаць словы ўдзячнасці вашым родным і блізкім, вашым бацькам. Вы іх выхавалі сапраўднымі патрыётамі, сапраўднымі абаронцамі».
У размове з журналістамі міністр унутраных спраў адзначыў, што прыняцце Прысягі — адна з найбольш значных падзей у жыцці кожнага афіцэра. Ён падкрэсліў важнасць выхавання вартавых парадку на прыкладах мужнасці і стойкасці беларускіх міліцыянераў, якія ў розныя перыяды гісторыі, апынуўшыся ў няпростай сітуацыі, заставаліся вернымі Прысязе, Радзіме, аддалі свае жыцці, каб абараніць людзей.
Іван Кубракоў адзначыў якасную падрыхтоўку курсантаў. «За іх спіной — пакуль толькі курс маладога байца, але выпраўка ўжо прыкметная, — звярнуў увагу кіраўнік ведамства. — Пройдзе зусім няшмат часу, і гэтыя маладыя людзі разам з больш вопытнымі калегамі будуць патруляваць вуліцы нашых гарадоў, забяспечваючы бяспеку і правапарадак. Ім давядзецца сутыкнуцца з цяжкасцямі, спыняць правапарушэнні, раскрываць злачынствы. Упэўнены, у іх усё атрымаецца! Шчасця ім, здароўя, поспехаў! А галоўнае — заўсёды вяртацца дадому жывымі і здаровымі».
Вераніка КАНЮТА
Фота Віктара ІВАНЧЫКАВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
