Расійскі літаратурна-мастацкі часопіс «Москва», які пазіцыяніруе сябе «Часопісам рускай культуры», у сваім сёмым нумары за 2023 год шмат месца аддаў творам беларускіх пісьменнікаў.
Адкрываецца нумар аповесцю Алеся Бадака «Нелюдзімы» у перакладзе Алега Ждана. Змешчаны таксама вершы і апавяданні Іны Фраловай, Анатоля Аўруціна, Наталлі Касцючэнка і іншых аўтараў.
Доктар гістарычных навук Лола Званарова ў артыкуле «Кнігі, якія ўзвышаюць душу...: Сучасныя пісьменнікі пра Вялікую Айчынную вайну» звяртаецца і да творчасці пісьменнікаў з Беларусі — Сяргея Трахімёнка, Уладзіміра Тулінава.
Выступаючы на міжнародным круглым стале пісьменнікаў Расіі і Беларусі ў Пасольстве Рэспублікі Беларусь у Расійскай Федэрацыі галоўны рэдактар часопіса «Москва» Уладзіслаў Арцёмаў паабяцаў, што ўвага яго выдання да сучаснай беларускай літаратуры будзе насіць сістэмны характар.
У апошні час творы беларускіх пісьменнікаў даволі часта друкуюцца на старонках расійскіх літаратурна-мастацкіх перыядычных выданняў — выйшлі паэтычныя і празаічныя падборкі ў часопісах «Урал», «Сибирские огни», «Литературной газете» і іншых выданнях.
Сяргей ШЫЧКО
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
