За сезон кусты ягаднікаў патрацілі шмат сіл на рост і плоданашэнне. Каб іх падтрымаць, трэба правесці падкормкі, палівы, рыхленне глебы і абразанне. Вось пра апошняе і хацелася б пагаварыць, бо многія баяцца гэтай працэдуры і, ад граху далей, яе зусім не праводзяць. Але гэта не самым лепшым чынам адбіваецца на раслінах. Справа ў тым, што ягаднікі ўвесну абуджаюцца вельмі рана і з абрэзкай мы проста не паспяваем.
Першая ў чарзе на стрыжку — маліна. Можна нават не чакаць лістапада. Абавязкова выразайце двухгадовыя парасткі. Яны і так адамруць, а ўвесь гэты час будуць крыніцай хвароб і шкоднікаў. Дарэчы, выдаляць двухгадовыя парасткі лепш адразу пасля плоданашэння. У гэтым выпадку і заразы раздадуць менш, і больш сонца і прастору будзе маладым парасткам. Тады яны лепш падрыхтуюцца да будучага плоданашэння. Парасткі, якія адпладаносілі, карычневага колеру і лёгка ламаюцца.
Памятайце, што рэмантантная маліна пладаносіць на аднагадовых парастках і двухгадовых. Рэмантантную маліну абразаюць пасля лістапада, але двухгадовыя парасткі, якія адпладаносілі летам, трэба выдаліць адразу пасля збору ўраджаю. У кустах восенню пакідаюць толькі наймацнейшыя парасткі: па 6–10 на куст.
Ён самы першы цешыць нас сваім ураджаем. Менавіта таму бружмель лепш за ўсё абразаць з восені. Абразанне яму вельмі неабходна, бо кусты з узростам разрастаюцца і ўтвараюць вельмі шмат галін.
Падчас абразання выдаляюць усе парасткі, якія ляжаць на зямлі, а таксама прарэджваюць кусты, прыбіраючы слабыя і лішнія парасткі. Галінкі караціць нельга, бо плоданашэнне засяроджана на магутных гадавых парастках.
Чорныя парэчкі пладаносяць добра на галінках да чатырох-пяці гадоў. Старэйшыя за гэты ўзрост галінкі лепш выдаліць. Такім чынам вы перанакіруеце ўсё сілкаванне на маладыя і перспектыўныя парасткі.
Чырвоныя і белыя парэчкі радуюць ураджаем значна даўжэй, згасанне пачынаецца толькі з сямігадовага ўзросту. Але і ў іх трэба выдаляць парасткі старэйшыя за гэты парог. І рабіць гэта ўвосень.
Выдаляюцца крывыя і слабыя галіны разам з часткай маладых парасткаў, асабліва тых, што растуць ад каранёвай шыйкі. Досыць пакінуць два-тры моцныя каранёвыя парасткі з паўтара-двума дзясяткамі сцёблаў.
Выдаляюць галіны, старэйшыя за пяцігадовы ўзрост. Кустам ад дзесяці гадоў і старэй патрэбна радыкальная амаладжальная абрэзка: большую частку (да дзвюх трэціх) галін зразаюць пад корань, пакідаючы толькі пяць-шэсць самых здаровых і буйных.
Пры правільным доглядзе агрэст здольны радаваць ураджаем да 30 гадоў.
Абразаючы ягаднікі ўвосень, трэба выконваць некалькі важных правіл:
Ірына ТАМКОВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.