18 кастрычніка ў Нацыянальнай бібліятэцы Беларусі прайшло мерапрыемства «Смак беларускай кухні ў кнігах і паштоўках: новыя праекты Алены Мікульчык». Яно было насычана яркімі эмоцыямі і цікавымі фактамі. Напрыклад, ці ведалі вы, што ў мачанцы крыецца беларуская нацыянальная ідэя або тое, што жульен першапачаткова быў халодным летнім супам?
Аба ўсім гэтым госці мерапрыемства даведаліся падчас кулінарнага «Што? Дзе? Калі?». Акрамя таго, ў праграме былі дэгустацыя-абрад і, канешне, знаёмства з выданнямі аўтара.
Але ўсё ж такі галоўнымі героямі мерапрыемства сталі паштоўкі па матывах ужо выдадзеных кніг. Алена Мікульчык расказвае, што падчас праекта выпусцілі 32 паштоўкі з выявамі розных страў:
— Гэта гістарычная кухня XVII-XIX ст. у сучаснай апрацоўцы. Тое, што вы можаце самі прыгатаваць. На саміх паштовачках рацэптаў няма, але ёсць QR-код, па якім можна перайсці на сайт, дзе будуць рэцэпты і гісторыя страў. Набыць іх можна на галоўпаштамце і ў любым аддзяленні белпошты.
Таксама на мерапрымстве прысутнічала аўтар «смачных» фотаздымкаў Вольга Акуліч. Яна ўспомніла, з чаго калісьці пачалося яе супрацоўніцтва з Аленай Мікульчык:
— У сацыяльных сетках Алена вывесіла аб’яву. Яна шукала фатографа, каб тэрмінова паехаць у кулінарную экспедыцыю. Мне было цікава, што ж такое кулінарная экспедыцыя, я адгукнулася, і мы паехалі. Вынікам стала серыя рэпартажных фота. Пасля была серыя партрэтных здымкаў у падтрымку новай кнігі. Гэта было ажно 5 гадоў таму. І вось з партрэтнай серыі Алены пачалося наша супрацоўніцта. Яна прапанавала мне папрацаваць над яе новай кнігай пра шляхецкую кухню. За 4 гады ў нас выйшла дзве кнігі і вось цяпер серыя паштовак па матывах кніг.
Мерапрыемства завяршылася аўтограф-сесіяй.
Лізавета ГОЛАД
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
