Калі ў канцы першага тыдня лістапада нам выпала доўгія выхадныя, значыць, на вуліцы будзе цёпла. Праўда, восеньскае пацяпленне будзе суправаджацца «лёгкімі» і не вельмі, кароткачасовымі дажджамі. У гэтыя чатыры дні (4—7 лістапада) у начныя гадзіны тэмпература паветра будзе знаходзіцца ў межах ад плюс 3—4 градусаў да плюс 8—10 градусаў, а днём пры гэтым у асноўным будзе ад 7 цяпла да плюс 14 градусаў, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Заўтра будзе пераважна без ападкаў, толькі ў другой палове дня ў крайніх заходніх раёнах краіны пройдуць кароткачасовыя дажджы. Ноччу і раніцай месцамі згусціцца слабы туман. Удзень месцамі ўзмацненне ветру парывамі да 15—18 м/с. Тэмпература паветра ўначы складзе ад нуля да плюс 6 градусаў, а на захадзе — да 8 цяпла. Днём чакаецца плюс 9—15 градусаў.
«Заліваць» нас пачне ўжо ў суботу. У гэты дзень на большай частцы тэрыторыі краіны прагназуюцца кароткачасовыя дажджы. Уначы ў многіх раёнах будзе ўзмацненне ветру парывамі да 15—20 м/с. Тэмпература паветра ўначы ў межах ад плюс 4 да плюс 10 градусаў, а ўдзень — 7—14 цяпла.
«Свята» мокрых ног чакаецца ў нядзелю. Менавіта 5 лістапада на большай частцы тэрыторыі краіны пройдуць дажджы, ноччу і раніцай па паўднёвым усходзе чакаюцца моцныя дажджы. У начныя і ранішнія гадзіны месцамі згусціцца слабы туман. Уначы слупок тэрмометра пакажа плюс 3—8 градусаў, а ўдзень 7—14 цяпла. Па паўднёвым усходзе ноччу будзе плюс 9—12 градусаў, а днём — плюс 15—17 градусаў. Калі б не дажджы, то па тэмпературным узроўні гэтыя дні можна было б назваць познім бабіным летам.
У панядзелак таксама на большай частцы тэрыторыі прагназуюцца кароткачасовыя дажджы. Ноччу і раніцай у асобных раёнах магчымы слабы туман. Тэмпература паветра ўначы будзе вагацца ад плюс 4 да плюс 10 градусаў, а ўдзень — ад плюс 7 да плюс 13 градусаў.
У аўторак месцамі па краіне пройдуць кароткачасовыя дажджы. Ноччу і раніцай у асобных раёнах — слабы туман. Ноччу тэмпература павысіцца да плюс 4—9 градусаў, а днём — да 5—12 цяпла. У сераду месцамі таксама прагназуюцца кароткачасовыя дажджы. Ноччу і раніцай у асобных раёнах магчымы слабы туман. Тэмпература паветра ўначы складзе плюс 1—8 градусаў, а ўдзень — ад 5 да 11 цяпла.
Сяргей КУРКАЧ
Прэв’ю: pexels.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
