На кожнай урачыстасці хочацца выглядаць бездакорна, і Новы год не выключэнне. Калі ў планах — незабыўна правесці свята, удзяліце асаблівую ўвагу макіяжу. Даведаемся, як прыцягнуць да сябе погляды ў самую чароўную ноч года.
Калі хочаце выглядаць ярка і эфектна — гэты варыянт для вас. Зрабіць выразны позірк дапамогуць бліскучыя цені і глітар, а дапаўненнем да вобразу стане памада чырвонага ці нюдавага адцення. З гэтым макіяжам справіцца любая дзяўчына. Але ў навагоднюю ноч ззяць могуць не толькі вочы, але і вусны. Для гэтага нанясіце бляск ці памаду, пасля чаго дапоўніце іх яркімі бліскаўкамі — рабіць гэта неабходна хутка, пакуль пігмент не высах.
Трэнд, які зробіць ваш вобраз футурыстычным і загадкавым. Для стварэння макіяжу выкарыстоўвайце мігатлівыя адценні і металічныя тэкстуры, такія як золата, срэбра, медзь і хром. У залежнасці ад вашых жаданняў можна зрабіць як святочны вячэрні вобраз, так і паўсядзённы — каб ззяць не толькі ў навагоднюю ноч. Пры стварэнні «металічнага» макіяжу памятайце пра гульню святла: добрае асвятленне толькі падкрэсліць вашу прыгажосць.
Як бы імкліва ні мяняліся модныя тэндэнцыі, ёсць рэчы, актуальныя па-за часам. Напрыклад, чырвоная памада. Яна робіць вобраз палкім і элегантным, добра спалучаецца з класічнымі чорнымі стрэлкамі або дымчатым макіяжам вачэй. Калі ваша мэта — зрабіць акцэнт на вуснах, аддайце перавагу натуральнаму макіяжу на вейках. Накіроўваючыся на свята, выбірайце памаду з добрай стойкасцю, каб засцерагчы сябе ад лішніх клопатаў. Рэкамендуем таксама падбіраць тон памады, які адпавядае адценню скуры — эфект не прымусіць сябе чакаць.
Пры гэтым стылі дапускаецца выкарыстанне аднаго адцення на вачах, скулах і вуснах. Вобраз атрымаецца гарманічным і вытанчаным. Галоўная перавага манахромнага макіяжу заключаецца ў яго ўніверсальнасці і прастаце выканання. Вы зможаце ствараць запамінальныя вобразы як для будняў, так і для святаў. Для пачатку вызначыцеся з адценнем, якое бездакорна падыходзіць пад ваш натуральны колер скуры і вуснаў. Напрыклад, для светла-бэжавых адценняў скуры можна выкарыстоўваць персікавы ці пясочны колер манахромнай палітры. Для больш цёмных адценняў лепш ствараць макіяж на аснове карычневых ці бронзавых тонаў.
Трэнд дапаможа прыўнесці ў ваш вобраз ноткі прыроды і пяшчоты, зрабіўшы яго рамантычным і крыху тэатральным. Макіяж натхнёны формамі, тэкстурамі і адценнямі кветак. Для вуснаў рэкамендуюцца персікавыя, ружовыя або каралавыя адценні. Для вачэй звярніце ўвагу на пастэльны зялёны і лавандавы. Дадаць акцэнту дапаможа кветкавы ўзор або невялікі малюнак у кутку вачэй — вобраз атрымаецца не толькі лёгкім і свежым, але і вельмі індывідуальным.
Яшчэ адна тэндэнцыя, якая доўга не выходзіць з моды, — выразныя вочы. Падкрэсліце іх прыгажосць з дапамогай аб’ёмных павек, эфектных стрэлак і ценяў, ад якіх немагчыма адарваць позірк. «Смокі айс» стане ўніверсальным варыянтам для любой урачыстасці. Класічны дызайн ствараецца ў чорных ці цёмна-шэрых тонах, але пры жаданні можна паэксперыментаваць з палітрай і зрабіць выразны вобраз у яркіх адценнях. Добрым дапаўненнем стане памада — падыдуць як халодныя, так і больш цёплыя, нюдавыя адценні, у залежнасці ад палітры на вачах.
Лізавета МАЛЬЧУК
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
