Адбылося выніковае пасяджэнне Канфедэрацыі творчых Саюзаў краіны, якое правёў старшыня аб’яднання — старшыня Беларускага Саюза мастакоў Глеб Отчык.
Размова ішла пра клопаты, якія ўсіх кіраўнікоў грамадскіх аб’яднанняў хвалююць у частцы прадаўжэння дзейнасці сваіх супольнасцяў. Удзел у пасяджэнні прынялі кіраўнікі Саюза кампазітараў, Беларускай гільдыі кінакцёраў, Беларускага Саюза майстроў народнай творчасці, Саюза пісьменнікаў Беларусі і іншых творчых супольнасцяў краіны. Была звернута ўвага на развіццё заканадаўства ў дачыненні да творчых саюзаў. Выказаны спадзяванні ў гэтым плане на органы дзяржаўнага кіравання, найперш — Міністэрства культуры Рэспублікі Беларусь, а таксама на Нацыянальны сход Рэспублікі Беларусь.
Асобнае месца ў абмеркаванні занялі пытанні беларуска-кітайскага кульутрнага, гуманітарнага супрацоўніцтва. Вылучаны самыя розныя ініцыятывы ў гэтым накірунку. Падкрэслена, што інтэграцыйныя творчыя, міжкультурныя адносіны ў супрацоўніцтве як з Расійскай Федэрацыяй, так і з Кітайскай Народнай Рэспублікай — велізарны складнік дзейнасці і міністэрства культуры нашай краіны, і непасрэдна творцаў у розных відах культуры і мастацтва.
Дарэчы, паміж Саюзам пісьменнікаў Беларусі і Саюзам пісьменнікаў Расіі дасягнута папярэдняя дамоўленасць аб правядзенні чарговага пленума Саюза пісьменнікаў Саюзнай дзяржавы Беларусі і Расіі.
Кастусь ХАДЫКА
Прэв'ю: pexels.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
