Міністр абароны Беларусі Віктар Хрэнін павіншаваў генерал-палкоўніка ў адстаўцы Пятра Чавуса з 85-гадовым юбілеем. У ваенным ведамстве заўважылі, што жыццё Пятра Рыгоравіча Чавуса — прыклад, варты павагі, паведамляе БелТА са спасылкай на Міністэрства абароны.
Кіраўнік ваеннага ведамства выказаў юбіляру падзяку за яго ўклад у справу забеспячэння ваеннай бяспекі нашай дзяржавы. Ён падкрэсліў, што свой юбілей Пётр Рыгоравіч сустрэў з багатым службовым і жыццёвым вопытам, шчырым жаданнем беззапаветна служыць Беларусі і яе народу. За яго плячыма — складаныя і незабыўныя этапы станаўлення афіцэра, генерала і кіраўніка.
«Жыццё Пятра Рыгоравіча — прыклад, дастойны павагі. Ён карыстаецца аўтарытэтам сярод генералаў і афіцэраў, асабовага складу беларускай арміі. У Міністэрстве абароны юбіляра памятаюць як узорнага і справядлівага камандзіра, чалавека, якому ўласцівы адказнасць і афіцэрскі гонар», — дадалі ў ваенным ведамстве.
Ва ўрачыстай абстаноўцы генерал-лейтэнант Віктар Хрэнін уручыў імянінніку памятны падарунак і кветкі. Цёплыя словы віншавання адрасаваў Пятру Рыгоравічу дзяржаўны сакратар Савета бяспекі Беларусі Аляксандр Вольфавіч. Ён уручыў юбіляру віншаванне Прэзідэнта краіны.
Пётр Чавус падзякаваў усім за праяўленую ўвагу і падкрэсліў, што ён і далей гатовы верна і аддана служыць Айчыне.
Прэв’ю: “Ваяр”
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
