Старшыня КНР Сі Цзіньпін у Доме народных сходаў у Пекіне прыняў даверчыя граматы, уручаныя яму новымі пасламі ў КНР, паведаміла «Сіньхуа». Сярод іх — Надзвычайны і Паўнамоцны Пасол Беларусі ў Кітаі Аляксандр Чарвякоў.
Пасля завяршэння цырымоніі Сі Цзіньпін выступіў з прамовай перад пасламі. Старшыня КНР папрасіў кіраўнікоў дыпмісій перадаць сардэчнае прывітанне і найлепшыя пажаданні кіраўнікам і народам сваіх дзяржаў. Сі Цзіньпін адзначыў, што КНР гатова паглыбляць сяброўства і пашыраць узаемавыгаднае супрацоўніцтва на аснове раўнапраўя і ўзаемнай выгады, садзейнічаць бесперапыннаму развіццю двухбаковых адносін.
Кітайскі лідар выказаў надзею, што паслы атрымаюць усебаковае і глыбокае ўяўленне аб Кітаі і паслужаць справе ўмацавання сувязі супрацоўніцтва і пабудовы моста кантактаў для двухбаковых адносін. Урад КНР будзе аказваць паслам неабходную падтрымку і ствараць усе належныя ўовы для выканання імі сваіх абавязкаў, запэўніў Сі Цзіньпін.
«Сёлета адзначаецца 75-годдзе з дня ўтварэння Кітайскай Народнай Рэспублікі», — нагадаў Сі Цзіньпін, дадаўшы, што Кітай усебакова прасоўвае будаўніцтва моцнай дзяржавы і вялікай справы адраджэння кітайскай нацыі праз мадэрнізацыю ў кітайскім стылі. Місія і мэта мадэрнізацыі ў кітайскім стылі — даць магчымасць больш за 1,4 мільярда кітайцаў жыць лепш. Для свету гэта азначае пашырэнне рынку і беспрэцэдэнтныя магчымасці развіцця, што надасць магутны імпульс мадэрнізацыі краін па ўсім свеце, адзначыў старшыня КНР.
Сі Цзіньпін канстатаваў, што сённяшні свет не з’яўляецца мірным. Клапоцячыся аб будучыні чалавецтва і дабрабыце свайго народа, Кітай, як заўсёды, імкнецца ўнесці кітайскую мудрасць і кітайскія праекты ў справу міру і развіцця чалавецтва, выступае за раўнапраўны і спарадкаваны шматпалярны свет і карысную для ўсіх інклюзіўную эканамічную глабалізацыю, садзейнічаючы пабудове супольнасці адзінага лёсу чалавецтва і разам працуючы над стварэннем лепшага свету, падкрэсліў кітайскі лідар.
На мерапрыемстве таксама прысутнічаў міністр замежных спраў Кітая Ван І.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.