Міністр адукацыі азнаёміўся з арганізацыяй адукацыйнага працэсу, умовамі, у якіх праходзяць навучанне будучыя вартавыя правапарадку, матэрыяльна-тэхнічнай базай акадэміі.
Больш падрабязна аб магчымасцях, дасягненнях і перспектывах міліцэйскай альма-матэр Андрэй Іванец даведаўся на сустрэчы з кіруючым складам акадэміі. Міністр адукацыі паразмаўляў з начальнікам акадэміі генерал-маёрам міліцыі Аляксандрам Васільевым і яго намеснікамі, кіраўнікамі факультэтаў і вучэбна-метадычнага ўпраўлення.
Абмеркавалі пытанні, якія датычацца перспектыў развіцця юрыдычнай адукацыі, матывацыі абітурыентаў, прафарыентацыйнай работы, практыкаарыентаванага падыходу ў адукацыйным працэсе, уступнай кампаніі ў цэлым. Гаварылі аб уцягванні навучэнцаў у навуковую дзейнасць і рэспубліканскія маладзёжныя праекты, прафесарска-выкладчыцкім складзе.
Кіраўнік акадэміі правёў для міністра адукацыі экскурсію па комплексе будынкаў галоўнага корпуса. Госць наведаў шматфункцыянальны мультымедыйны цэнтр, спецыялізаваныя кабінеты, аператыўна-сітуацыйны штаб, крыміналістычныя палігоны, цір, трэнажорную залу, гісторыка-дэманстрацыйная залу, Міжнародны навучальны цэнтр падрыхтоўкі, павышэння кваліфікацыі, перападрыхтоўкі кадраў у сферы міграцыі і процідзеяння гандлю людзьмі.
Андрэй Іванец азнаёміўся з падрыхтоўкай курсантаў па накіраванні «Процідзеянне кіберзлачынствам і камп’ютарная разведка». Гэты напрамак ажыццяўляецца ў акадэміі з 2019 года на базе кафедраў інфармацыйнага права і аператыўна-вышуковай дзейнасці факультэта крымінальнай міліцыі. Для гэтага выкладчыкі з нуля стварылі тры новыя навучальныя дысцыпліны. Будучыя праваахоўнікі працуюць у даркнеце, падчас заняткаў атрымліваюць значную інфармацыю і паспяхова раскрываюць злачынствы ўжо на пераддыпломнай практыцы. Летась Акадэмія МУС пачала сеткавае ўзаемадзеянне з Беларускім дзяржаўным універсітэтам інфарматыкі і радыёэлектронікі. Асобныя тэхнічныя дысцыпліны курсанты вывучаюць у лабараторыях БДУІР.
На пляцы міліцэйскай альма-матэр прайшлі вучэбныя заняткі па кіраванні беспілотнымі лятальнымі апаратамі. У Акадэміі МУС асновам кіравання дронамі навучаюць курсантаў 3-4 курсаў у рамках вучэбнай дысцыпліны «Тактыка-спецыяльная падрыхтоўка».
Вераніка КАНЮТА
Фота прэс-службы Акадэміі МУС
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
