Конкурс інтэрнет-рэсурсаў «Гэта нашай гісторыі радка» арганізавалі ў год 80-годдзя вызвалення Беларусі ад фашысцкіх захопнікаў упраўленне культуры Гродзенскага аблвыканкама і абласная навуковая бібліятэка імя Я. Ф. Карскага, паведамілі БелТА ў бібліятэцы.
Бібліятэкам рэгіёну трэба будзе стварыць віртуальныя сэрвісы ўласнай генерацыі: базы даных, серыі анлайн-рэпартажаў, буктрэйлеры, віртуальныя віктарыны, інтэлектуальныя гульні, тэматычныя анлайн-крыжаванкі.
«У цэнтры ўвагі будзе тэматыка Вялікай Айчыннай вайны, гераічных подзвігаў савецкіх воінаў, фашысцкага генацыду беларускага народа, — расказала загадчыца аддзела бібліятэказнаўства Галіна Сцяпанава. — Гэта могуць быць базы даных аб ветэранах і ўдзельніках вайны, аб мемарыялах, аб месцах баёў і дзеянні «Могуць быць падборкі відэасюжэтаў аб земляках, якія змагаліся на фронце актуальныя таксама буктрэйлеры кніг патрыятычнай тэматыкі, віртуальныя віктарыны».
У кожным раёне ўжо ідзе работа над стварэннем уласных унікальных анлайн-сэрвісаў, у аснове якой — інфармацыя аб падзеях і людзях малой радзімы. Новыя сервісы будуць размяшчацца на сайтах устаноў культуры ў раёнах, знайсці іх можна будзе па спасылках на сайце абласной бібліятэкі.
Як дапоўнілі ў бібліятэцы, створаныя ў працэсе падрыхтоўкі да конкурсу напрацоўкі будуць шырока выкарыстоўвацца ў патрыятычным выхаванні падрастаючага пакалення, на публічных мерапрыемствах у бібліятэках, на занятках у час шостага школьнага дня. На сайтах яны будуць даступны кожнаму жыхару раёна, які цікавіцца гісторыяй сваёй радзімы.
Прэв'ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
