Кітайскі вытворца беспілотных лятальных апаратаў EHang Holdings Limited у горадзе Гуанчжоў, адміністрацыйным цэнтры правінцыі Гуандун (Паўднёвы Кітай), атрымаў ад Упраўлення грамадзянскай авіяцыі Кітая (УГАК) ліцэнзію на вытворчасць пасажырскай беспілотнай лятальнай сістэмы EH216-S, перадае «Сіньхуа».
Гэта першая вытворчая ліцэнзія ў Кітаі на пасажырскі беспілотнік, а таксама першая вытворчая ліцэнзія ў свеце на электрычны лятальны апарат з вертыкальным узлётам і пасадкай. Раней мадэль EH216-S атрымала ад УГАК сертыфікат тыпу і стандартны сертыфікат лётнай прыдатнасці.
Заснавальнік, старшыня савета дырэктараў і галоўны выканаўчы дырэктар кампаніі EHang Ху Хуачжы заявіў, што атрыманне вытворчай ліцэнзіі з’яўляецца важнай вяхой у выхадзе EH216-S на этап серыйнай вытворчасці, а таксама неабходнай умовай для прасоўвання камерцыйнай дзейнасці EHang.
Паводле статыстыкі УГАК, у мінулым годзе аб’ём эканомікі малых вышынь у Кітаі перавысіў 500 мільярдаў юаняў (каля 70,47 млрд. долараў), а да 2030-га, як чакаецца, дасягне 2 трлн. юаняў. Максімальная разліковая хуткасць EH216-S складае 130 кіламетраў у гадзіну, максімальная далёкасць палёту — 30 кіламетраў, максімальная працягласць палёту — 25 хвілін. Летась кампанія EHang паставіла 52 беспілотнікі мадэлі EH216-S.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
