Былі падрабязна разгледжаны вынікі развіцця кандытарскай галіны за першае паўгоддзе 2026 года, вызначаны перспектывы далейшага росту, намечаны ключавыя кірункі мадэрнізацыі існуючых вытворчасцяў і будаўніцтва новых магутнасцяў. Адна з ключавых тэм — павышэнне долі айчынных кандытарскіх вырабаў у рознічным тавараабароце.

У Салігорскім раёне жніво ідзе да свайго завяршэння. Тут, як і ва ўсёй краіне, лічаць кожны цэнтнер, а галоўныя героі — тыя, хто штодня выходзіць у поле, каб забяспечыць краіну хлебам. Карэспандэнты «Звязды» пабывалі ў ААТ «Добрыца», каб паглядзець, як працуецца людзям, якія кормяць краіну.

Гераіню, пра якую хачу расказаць, я сустрэў у чытальнай зале Ашмянскай раённай бібліятэкі. Пра сваю працу бібліёграф вышэйшай катэгорыі Марыя Ганевіч можа расказаць шмат, яно і не дзіва: займаецца гэтай справай ужо чацвёрты дзясятак гадоў. А выбарам прафесіі яна абавязана «Звяздзе»: калі заканчвала дзясяты клас, убачыла ў газеце аб’яву Магілёўскага бібліятэчнага тэхнікума.

У трэцюю нядзелю жніўня ў Беларусі адзначаюць Дзень Ваенна-паветраных сіл. Свята тых, для каго неба стала прафесіяй. Карэспандэнты «Звязды» адправіліся на 50-ю змешаную ордэна Чырвонай Зоркі авіяцыйную базу ў Мачулішчах, каб пагутарыць з тымі, хто штодня падымае ў неба баявыя машыны.

Як бы імкліва ні развіваліся лічбавыя тэхналогіі, аднак кніга, падручнік, дапаможнік — гэтыя крыніцы інфармацыі, як цяпер прынята казаць, на папяровым носьбіце, былі і застаюцца галоўнымі памочнікамі ў вучобе. Таму сістэма адукацыі ў цэлым і ўстановы, якія займаюцца навукова-метадычным забеспячэннем агульнай сярэдняй адукацыі, старанна сочаць за тым, каб вучэбныя праграмы былі актуальнымі і своечасова абнаўляліся. Мы вырашылі пагартаць свежанькія падручнікі і дапаможнікі разам з начальнікам метадычнага цэнтра ДУА «Акадэмія адукацыі» Людмілай РАМАНОЎСКАЙ.

400 кіраўнікоў устаноў адукацыі і спецыялістаў органаў кіравання ёю абмяркоўвалі асноўныя кірункі дзейнасці ў сістэме дашкольнай, агульнай сярэдняй, спецыяльнай, дадатковай і прафесійнай адукацыі. Галоўнай мэтай вялікага дыялогу педагогаў было абмеркаванне з калегамі кропкавых момантаў, якія перад першым верасня патрабуюць асаблівай увагі.

Беларусь цвёрда ўтрымлівае пазіцыі вядучага сусветнага экспарцёра прадуктаў харчавання. Аб гэтым заявіў міністр сельскай гаспадаркі і харчавання Юрый ГОРЛАЎ на пасяджэнні савета па аграпрамысловай палітыцы ЕАЭС у Алматы, паведамілі ў прэс-службе Міністэрства сельскай гаспадаркі і харчавання.

Задача пазбавіць грамадзян ад бясконцага хаджэння па кабінетах для атрымання даведак была пастаўленая яшчэ ў пачатку 2000-х гадоў. Механізмам дэбюракратызацыі стала стварэнне службаў «Адно акно», супрацоўнікі якіх усю работу па ўзаемадзеянні з ведамствамі і зборы інфармацыі бяруць на сябе. Сёння гэта зладжаная сетка працуе па ўсёй краіне — у кожным раёне Мінска, абласных і раённых цэнтрах, што забяспечвае даступнасць у выкананні адміністрацыйных працэдур.