Сеткавае выданне zviazda.by

У Жыллёвым кодэксе прапісана, што продаж арэнднага жылля, жылых памяшканняў сацыяльнага карыстання і ў інтэрнатах, спецыяльных жылых памяшканняў, як і адчужэнне іх на бязвыплатнай аснове, не дапускаюцца, аднак ёсць выключэнні. Нюансы растлумачыла начальнік галоўнага ўпраўлення будаўніцтва і жыллёвай палітыкі Міністэрства архітэктуры і будаўніцтва Таццяна Васілючак, паведамляе БелТА.

Пра беларускіх пісьменнікаў, якія загінулі ў Вялікую Айчынную вайну, напісана даволі шмат. Праўда, пра адных — больш, пра некаторых — менш. На тое дзве прычыны. Першая залежыць ад іх унёску ў нацыянальную літаратуру. Другая ў нечым вынікае з першай.

Кітайскае анлайн-турагенцтва Ctrip прапануе транзітным турыстам бясплатныя экскурсіі па Пекіну. Цяпер праект рэалізуецца ў тэрмінале № 3 міжнароднага аэрапорта «Шоўду». Падобныя экскурсіі ўжо наведалі турысты з больш за 50 краін свету, перадае «Жэньмінь жыбаа» анлайн».

Зноў паглядзець на зіму з дзіцячым захапленнем і атрымаць пазітыўныя эмоцыі можна на V штогадовай выстаўцы-конкурсе «Зімовыя ўражанні» ў галерэі «Універсітэт культуры». У экспазіцыі — работы вучняў дзіцячых школ мастацтваў Мінска, а таксама выхаванцаў устаноў дадатковай адукацыі дзяцей і моладзі.

Паказ балета «Ганна Карэніна» 5 лютага чакаецца святочным, нават урачыстым: гэта першы вечар-прысвячэнне з трох запланаваных у рамках праекта ў бягучым сезоне. Выбар гераіні, якая распачынае цыкл бенефісаў, — сімвалічны.

Брастаўчаніна Аляксандра Строкача назвалі экскурсаводам года па выніках Рэспубліканскага турыстычнага конкурсу «Пазнай Беларусь — 2024», які праводзіцца Міністэрствам спорту і турызму. Найлепшы гід краіны працуе ў Брэсцкім абласным цэнтры турызму і краязнаўства дзяцей і моладзі.

Сёлета беларусы адзначаць найважнейшую дату — 80-годдзе Вялікай Перамогі савецкага народа ў Вялікай Айчыннай вайне. З гэтай нагоды ў краіне рэалізоўваецца нямала праектаў, грамадскасць у чаканні маштабных мерапрыемстваў. Аб сваіх ініцыятывах з нагоды гэтай вялікай даты, рэалізаваных сумесна з выдавецтвам «Беларусь», расказалі прадстаўнікі Генеральнай пракуратуры, Нацыянальнага архіва і Беларускага дзяржаўнага музея гісторыі Вялікай Айчыннай вайны.

Многім аматарам айчыннага футбола Віталь Кутузаў вядомы як адзін з найлепшых гульцоў свайго пакалення. За 38 гадоў у прафесіі наш герой перажыў шмат і навучыўся многаму, меў магчымасць убачыць свет і пераймаць вопыт у вялікіх майстроў. І цяпер усім гэтым ён дзеліцца ў сваёй кнізе «У патоку «Хвалі». Выданне не толькі знаёміць шырокую аўдыторыю чытачоў з жыццёвым шляхам вядомага спартсмена, але і па-сапраўднаму натхняе на веру ў сябе, свае мары і дае, лічыце, дарожную карту для іх дасягнення.

Так называлася выстаўка аднаго дня, арганізаваная ў дзень паказу оперы Уладзіміра Солтана (паводле Уладзіміра Караткевіча) «Дзікае паляванне караля Стаха». У тэатр «прыехалі» экспанаты Музея старабеларускай культуры Нацыянальнай акадэміі навук Беларусі — і пра кожны з іх можна было атрымаць інфармацыю з разгорнутым тлумачэннем спецыялістаў, што гэта за рэч і як яе выкарыстоўвалі нашы продкі. Атрымаўся выдатны пралог да оперы, бо ў яе сцэнаграфічным рашэнні выкарыстаны шмат якія даўнія рэчы, сэнс і сімвалізм якіх мае значэнне да разумення твора, ды і гукі часам можна пачуць, нібыта з самой даўніны...

Ірына Карнаухава мае музычную і педагагічную адукацыю. Каля дзесяці гадоў узначальвала Міханавіцкую школу мастацтваў Мінскага раёна. Арганізатар і кіраўнік народнага клуба паэтаў і кампазітараў «Жывіца» пры Мінскім абласным цэнтры народнай творчасці. Аўтар двух дзясяткаў кніг для дзяцей і дарослых. Пераможца і неаднаразовы ўдзельнік конкурсу апавяданняў «Звязды».