Сеткавае выданне zviazda.by

Вы ўмееце вырошчваць і збіраць хлеб, а значыць, дорыце жыхарам нашай краіны здароўе і жыццё. З такімі словамі звярнулася намеснік кіраўніка Адміністрацыі Прэзідэнта Беларусі Вольга Чупрыс да хлебаробаў Гомельскай вобласці на рэгіянальным фестывалі-кірмашы «Дажынкі-2025», сталіцай якога сталі Лельчыцы, перадае БелТА.

Вольга Чупрыс падзякавала хлебаробам за іх вялікую працу ў імя працвітання роднай краіны. "Віншаванні — ад самага сэрца, ад душы. Вы ўмееце рабіць тое, што іншыя не ўмеюць. Вы ўмееце вырошчваць і збіраць хлеб, а значыць, дорыце жыхарам нашай краіны здароўе і жыццё", — звярнулася да аграрыяў намеснік кіраўніка Адміністрацыі Прэзідэнта. "Прэзідэнт кажа, што няма лепшай працы, чым праца на зямлі. Ваша праца самая надзейная", - зрабіла акцэнт Вольга Чупрыс.

Яна пажадала аграрыям моцнага здароўя, удачы, шчасця. «Каб у вашых сем’ях панавала шчасце. Каб вашы дзеці былі здаровыя і радасныя. Новых працоўных поспехаў і подзвігаў вам», — заключыла намеснік кіраўніка Адміністрацыі Прэзідэнта. 

За шматгадовую плённую працу ў сістэме аграпрамысловага комплексу Вольга Чупрыс уручыла хлебаробам Гомельскай вобласці заслужаныя ўзнагароды.

Аграрыі Беларусі намалацілі звыш 9 млн т збожжа разам з рапсам, паведамілі ў прэс-службе Мінсельгасхарча.

У Беларусі пачалася масавая ўборка кукурузы. Пра гэта паведамілі у прэс-службе Мінсельгасхарча.

Прэзідэнт Беларусі Аляксандр Лукашэнка ў час рабочай паездкі ў Шклоўскі раён Магілёўскай вобласці запатрабаваў дабіцца парадку ў аграрным сектары раёна і выключыць безгаспадарчасць, перадае БелТА.

У Мінску ў гэтыя выхадныя пройдуць сельскагаспадарчыя кірмашы. Пра адрасы, дзе можна будзе набыць вітамінную прадукцыю, БелТА паведамілі ў Мінгарвыканкаме.

Звыш 1,5 млн тон цукровых буракоў накапалі ў Беларусі, паведамілі БелТА ў прэс-службе Мінсельгасхарча.