Сеткавае выданне zviazda.by

Ужо зусім хутка — 2-3 верасня — Віцебск стане месцам бізнес-прыцягнення. Менавіта тут пройдзе трэці беларуска-ўзбекскі жаночы бізнес-форум. Сёлета тэма форуму — «Беларусь — Узбекістан: супрацоўніцтва як фактар устойлівага развіцця» — як ніколі актуальная і адлюстроўвае стратэгічны курс нашых краін на паглыбленне двухбаковага партнёрства і інтэграцыю ў рэгіянальныя рынкі. Пра тое, чаго чакаць ад гэтай падзеі, пагаварылі са старшынёй Пастаяннай камісіі Савета Рэспублікі па эканоміцы, бюджэце і фінансах Уладзіславам Татарыновічам.

Новая гастранамічная прастора «Беларуская вёска» адкрылася ў Маскве ў флагманскім гіпермаркеце сеткі «Ашан», размешчаным у гандлёва-забаўляльным цэнтры «Авіяпарк». Тут масквічы могуць пакаштаваць і набыць смачныя беларускія мясныя і малочныя прадукты, кандытарскія вырабы і цукеркі, перадае БелТА.

Сёлета на Брэстчыне ўпершыню ў гісторыі намалацілі 1,5 млн тон. Усе 16 раёнаў павялічылі вал збожжа ў параўнанні з папярэднім годам, паведаміў першы намеснік Брэсцкага аблвыканкама Дзмітрый ГАРАДЗЕЦКІ.

Адкрытае акцыянернае таварыства «Беларуськалій» уваходзіць у лік буйных прадпрыемстваў нашай краіны. Яго гонар — гэта статус аднаго з найбуйнейшых вытворцаў калійных угнаенняў у свеце, шырокая экспартная геаграфія — больш за 130 краін, вялікі штат супрацоўнікаў — больш за 16 тысяч чалавек, а таксама значны ўнёсак у сацыяльную інфраструктуру рэгіёна. За кошт прадпрыемства будуецца жыллё для работнікаў і дзіцячыя садкі, вядзецца рэканструкцыя санаторыяў і інтэрнатаў.

За несвоечасовае выкананне мерапрыемстваў па рэгуляванні распаўсюджвання сумніку канадскага на карыстальнікаў зямельных участкаў у Беларусі з чэрвеня 2025 года накладзена штрафных санкцый на суму Br6762, паведамілі БелТА ў прэс-службе Міністэрства прыродных рэсурсаў і аховы навакольнага асяроддзя.

Мінулае і сучаснасць — нібы адна вуліца, на якой мы ўсе жывём. Тут узводзяць новыя дамы, гледзячы на старыя будынкі, згадваюць пражытае. Працягваецца і шырыцца гэта вуліца з году ў год, і называць яе можа кожны па-свойму. Але існуюць і агульныя імёны — сведкі нашай агульнай історыі.

Асаблівы сімвал памяці пра Вялікую Айчынную вайну — манумент Маці-патрыётцы ў Жодзіне. Гэты журботны знак вядомы ўсім беларусам як сімвал удзячнасці і памяці. Ідэя стварыць яго з’явілася ў 1973 годзе, калі Савет Міністраў БССР прыняў адпаведнае пастанаўленне, якое стала асноўным стымулам рэалізацыі праекта. Міністэрства культуры абвясціла конкурс на найлепшы праект помніка. За выкананне задачы ўзялася група таленавітых майстроў пад кіраўніцтвам Усевалада Лагуноўскага. У яе ўвайшлі скульптары Іван Міско, Мікалай Рыжанкоў, Андрэй Заспіцкі, архітэктар Алег Трафімчук. Мастакі не абмежаваліся эскізамі. Яны прыехалі ў Жодзіна і асабіста сустрэліся з Анастасіяй Фамінічнай Купрыянавай — жанчынай, якая страціла на вайне пяцярых сыноў. Гэтыя сустрэчы і ўспаміны сталі асновай для стварэння да болю моцных вобразаў.

Мытнымі органамі Беларусі спынены міжнародны канал пастаўкі з Еўрасаюза на тэрыторыю Расійскай Федэрацыі больш як 637 кг асабліва небяспечнага псіхатропу 4-СМС. Устаноўлены і затрыманы грамадзяне Літвы, Беларусі, Расіі і Украіны, якія маюць дачыненне да гэтага злачынства. Аб гэтым паведаміў афіцыйны сайт мытных органаў Рэспублікі Беларусь.